8. TLBAHM

[Amelia]

MALAKAS siyang natawa ng makita kung pa'no ito namula. Ang maingay at madaldal na si Nelson ay namumula. Hindi na si Nelson nagsalita pa at nag-iwas nalang ng tingin habang pulang-pula parin ang mukha.

"B-Basta ha, liligawan kita pagnakatapos na ako ng pag-aaral ko." Biglang wika nito. Hindi 'to nakatingin sa kanya at nanatiling naka-iwas ng tingin.

Natigil siya sa pagtawa.

"Pangako ko sa sarili ko na hindi ako makikipagrelasyon hangga't hindi pa ako nakakapagtapos. Isang taon nalang ay makakapagtapos na ako ng pag-aaral. L-Liligawan talaga kita!" Sabi nito saka nagmamadaling umalis.

Naiwan siyang natigilan. Seryoso?

Napailing nalang siya. Hindi niya nagawang sabihin rito na wala siyang balak na magnobyo muna.

Litong-lito na binabasa niya ang recipe book ni Miss Neil. Magluluto kasi siya ng morcon beef ngayon para sa gabihan, dahil hindi siya marunong ay tiningnan niya ang nakalagay sa recipe book ni Miss Neil. Nang makapagluto siya ay agad na naghain siya dahil limang minuto