10. TLBAHM

[Amelia]

HALOS hindi niya inaalis ang mga mata sa orasan. Bente minuto nalang at alas dyis na ng gabi. Ngayon araw ang paglilinis niya ng kwarto ni Sir Damon. Kailangan niyang magsimula agad na maglinis pagsapit ng alas dyis at matapos sa loob ng isang oras.

Halos maduling siya sa pagtingin sa orasan. Nagmamadali siyang tumakbo para maglinis sa kwarto ng amo niya ng tumuntong ang alas dyis.

Hindi siya pwede na magpabagal-bagal dahil oras ang kanyang kalaban. Hindi niya alam kung bakit pati sa paglilinis ay kailangan na may oras, pero dahil 'yon ang bilin ni Miss Neil ay susundin nalang niya.

Dahil hindi naka-lock ang pinto ay agad siyang nakapasok sa kwarto na nasa pinakadulo. Ito kasi ang sabi ng mayordoma, nasa pinakadulo ang kwarto ng amo nilang binata.

Napakalaki ng kwarto ng amo niya, halos apatin nito ang laki ng bahay nila. Malinis, mabago at katulad ng amo niya ay madilim dito. Palagi din kasi madilim ang mukha nito. Pinaglihi 'ata sa sama ng loob.

Hindi na siya nagsayang ng or