104. TLBAHM

[Amelia]

HINAWAKAN niya ang mukha ng anak. "Pikit ka, Amon." Utos niya sa anak.

Nakaalis na sina Cassandra at Frederick. Ngayon ay kailangan nilang lumabas sa ilalim ng mesa kaya inuutusan niyang pumikit ang anak para hindi nito makita ang bangkay sa sahig.

Nakahinga siya ng maluwag ng pumikit ang anak. Nang lumabas siya sa ilalim ng mesa ay hinawakan niya sa kamay ang anak para alalayan. Pero naapakan ni Amon ang dugo dahilan para madulas ito.

"A-Ate mommy!" Malakas na iyak ni Amon ng makita ang dugo na nasa kamay.

Tarantang tinakpan niya ang bibig ng anak ng kanyang kamay.

"Narinig niyo ba? Iyak ng bata 'yon, di'ba?" Ani ng isang tauhan ni Cassandra sa kasamahan.

"Oo! Hanapin natin dali!" Sagot ng isa.

Kinarga niya ang humihikbi pang si Amon at saka tumakbo palayo sa yabag na papalapit sa kanila. Halos magkatumba-tumba pa siya dahil mahaba ang suot n'yang wedding gown na hindi niya naisipan na hubarin kanina.

"Huhuhu, b-bakit po nila tayo hinahabol, ate mommy?" Patuloy sa pag-iyak