14

Pagdating namin sa palapag ay halos naunang maglakad itong si Kyle. Nagtataka tuloy ako ngayon. Kung bakit siya nandito, at kung bakit siya nagmamadali. 

Baka pupuntahan niya si Jacob?

Teka.

Kilala ba niya si Jacob?

Kung kilala niya nga, bakit hindi niya hinatid si Kyro do'n mismo sa bahay nila? Bakit kailangan niya pa akong sundan para lang maihatid si Kyro? 

Agad nitong pinihit ang mga doorknob ng pinto. Hindi na ako nagsayang ng oras at agad na hinawakan ang kanyang braso gamit ang isa kong kamay. 

"Kyle, sino bang hinahanap mo?" tanong ko dahilan para mapalingon siya. "Baka makulong ka sa ginagawa mo, trespassing ka!" dagdag ko.

Napahinga ito ng malalim. "Kilala mo ba 'yung sekretarya ni Mr.Perez?" tanong nito na tila ba nagtitimpi. Namumula na ang tainga niya na nagdadagdag sa kanyang kagwapuhan. Hindi ko tuloy maiwasang kiligin.

Teka, sekretarya ba kamo? 

Sa pagkakatanda ko ay si Aileen pa lang