13

Napangisi ako sa aking isipan. Mukhang kailangan na kailangan niya talaga ako para sa anak niya. Buti na lang talaga at napalapit sa akin si Kyro. Hindi ko akalain na ito ang bunga ng ginawa ko.

Kaunting kaunti na lang.

Nasaikalawang hakbang na ako sa aking plano at kaunti na lang ang bibilangin ko bago ko maikasatuparan ang lahat. Maipaghihiganti ko na sila Mama at Ate. Mananahimik na ang kanilang mga kaluluwa sa itaas.

"Good Morning, Sir," wika ng mga gwardya nang makapasok kami sa isang matayog na gusali. Puro salamin 'yon at nagsisisigaw ito sa karangyaan.

Hindi nagsalita si Jacob, nagpatuloy lang sila ni Rebecca sa paglalakad na siyang nagpairap sa akin. Mga walang pagmamahal sa mga empleyado. Bumagsak sana kompanya mo.

Kasunod nila kami ni Kyro sa likuran kaya naman ako na lang ang bumati sa kanila.

"Good Morning po kuya," ani ko bago yumuko. Bahagya akong nagulat da