Chapter 17

Kimberly Ann Martinez

Nang umagang iyon ay buong akala ko ay susunduin ako ni Jonathan patungong kumpanya ngunit halos nag 7:45 na ay wala pa rin siya. Napagdisisyunan ko na lang na mag commute na lang kaysa ma-late pa sa trabaho.

Habang sakay ako ng jeep ay napaisip ako kung gaano ka importante ang babaeng iyon upang makalimutan ako ni Jonathan? Bakit palagay ko mas importante ang babaeng yon kaysa akin n kasintahan niya. Ano ba talaga ang relasyon niya sa babaeng iyon.

Diretso na sana ako sa top floor kung saan ang opisina namin matapos mag log in sa biometrics nang marinig ko ang usapan ng ilang mga empleyado. Ayaw ko sanang makinig ngunit sa di sinasadya ay narinig kong si Jonathan at ang babae ang topic nila.

“Girl, wala pa ring kupas ang ganda ni miss Mara, noh?” tanong ng isang babae.

“True. Sana all maganda pa rin kahit isang taon na ang lumipas,” sagot naman ng isa pa.

“Ano kaya ang dahilan kung bakit naghiwalay silang dalawa ni sir Jonathan,” tanong isa.

“Oo nga.