xiv: long time no fin

Chapter 14

Mainit ang tensyon sa loob ng 11:35. Nahihiya ako lumingon kay Fin, alam kong masama ang tingin nito sa lalaking nambastos sa'kin. Nahuli ko pang nakatingin sa'kin sila Blake at Collin, dismayado ang mukha nila. Sila Ford, River at Nico naman, nakatingin lang sa'min.

"Bitaw sabi, eh." Tipid na pagbabanta ni Fin.

Huminga ng malalim ang lalaki at marahas akong binitawan. Akala ko tapos na, pero bumawi ito ng malakas na suntok sa mukha ni Fin. Nag alala akong lumingon sakanya, napaatras ito at nabangga ang likod n'ya sa mesa.

"Fin!" Nag alala kong tawag sakanya. Ngunit hindi ako pinansin nito.

Hindi maganda ang timpla sa mukha ni Fin, ni hindi nga ako tinapunan ng tingin na ikinatatakot ko. Hindi nagpatalo si Fin at sinapak din sa mukha yung lalaki. Mas malakas 'yon dahil mabilis na natumba yung lalaki. Parang yung ginawa n'ya kay Truce. Isang suntok lang, nakahandusay na agad sa sahig.

"Tangina, nakuha mo pang manuntok, ah." Sabi ni Fin habang sinusulyapan yung sinapak