KABANATA 94

Mahigpit siyang kumapit sa braso ni Raphael pagkababa nila sa eroplano. Niyakap siya ng lamig at kahit yata tumira siya noon sa ibang bansa ay hindi pa rin sanay ang katawan niya.

"Gaano ba kadelikado si Philip at kailangan na magmadali tayong pumunta dito?" naguguluhang tanong niya kay Raphael.

Tumiim bagang ito habang inaalalayan siya palabas ng airport.

"Courtney threatened to hurt our children, and we both know Philip was his lover," madiing sagot nito.

Nagsalubong ang mga kilay niya, "Plano ba nilang dalawa iyon? Baka naman ginamit lang din ni Courtney si Philip?"

Bumaba ang tingin nito sa kanya, "Kinakampihan mo siya?" malamig na tanong nito.

Napaikot ang mga mata niya at napabuntong hininga, "Ayaw kong basta mag-isip ng masama lalo pa't si Philip ang nagdonate ng dugo para kay Serenity."

Tumahimik ito pero kita niya ang bahid ng inis sa mukha nito.

"He is not a clean man. Pinsan siya ni Anton? Baka pati iyang si Anton ay may masamang balak—"

"Shut up, Raphael. Iba si Anton. Hig