CHAPTER07

“Papang, alis na kami,” paalam ni lola kay lolo nang makalabas kami ng bahay.

Ako naman ay lumpit kay lolo na nagdidilig ng lahalam. Nagmano muna ako sa kaniya, “Alis na po kami, lo.”

“Oo, sige. Mag-ingat kayo,” aniya.

“Opo, lo. Kayo rin.”

Patungo kami ngayon ni lola sa tabo sa baranggay. Magtitinda kami roon. Nakasanayan na kasi ni lola na magtinda ng banana cue at kamote cue tuwing Huwebes sa tabo. Ngayong nandito ako, sasamahan ko si lola sa pagtitinda. Dala ko iyong mga paninda namin. Dala naman ni lola iyong mga paper bag.

Maraming suki si lola kaya hindi kami nawawalan ng mga mamimili.

“Ay Diyos ko, muntik ko na makalimutan.” Lumingon ako kay lola nang bigla na naman niyang tawagin ang Panginoon.

“Bakit po, la?”

“Si mareng Silya, may order pala siya na kamote cue,” natatarantang asal ni lola.

“May natira pa naman po eh, ilan po ba order niya?” Binilang ko naman ang mga natirang kamote cue. “May anim pa po.”

“Lima lang naman iyong sinabi niya. Sabi ko kasi idadaan ko nalang s