CHAPTER 08

Nagising ako na kulay puti ang nakikita.

Nang ilibot ko ang aking paningin, nakita ko si Marco, nakaupo sa katabing kama nitong hinihigaan ko. Nakayuko siya habang nakahilamos sa kaniyang mukha ang kaniyang dalawang palad. Samantalang nag-aabot naman ang kaniyang siko at tuhod.

“Nasaan ako?” walang lakas kong usisa.

Agad na nagtaas ng tingin si Marco nang magsalita ako. Tumayo siya saka lumapit sa akin at nag-aalalang tinignan ako.

“Kamusta? Okay ka lang?” tanong niya.

Tumango naman ako. “Anong nangyari? Bakit ako nandito?” pagtataka ko. Nasa hospital yata ako.

“Hinimatay ka kanina nang sumakit ang tiyan mo,” kuwento ni Marco.

Tumingin ako sa kisame at nag-isip. Naalala ko na. kanina pagkatapos kong kumain ng mangga, sumakit ang tiyan ko. Nang sinabi naman ni Marco na nagdudugo ako, nataranta ako. At hanggang diyan lang ang naaalala ko. Dito na ako nagkamalay.

“Tungkol doon sa…sabi ng doctor. Totoo ba?” Mula sa kisame, napunta ang paningin ko kay Marco nang magtanong siya. Hindi ko