Chapter 49

Chapter 49

Mataas na ang sikat ng araw ngunit wala pa rin balak bumangon si Monica mula sa kaniyang kama. Bahagya niya rin nararamdaman ang init nagmumula sa bintana ng kaniyang silid.

Araw ng linggo at wala siyang pasok sa restaurant kaya ang balak niya ay magkulong ng buong araw sa sariling kuwarto.

Mapait siyang ngumiti nang maalala ang tagpong nasaksihan at paulit-ulit na pumapasok sa isip niya. "Ah nakakainis! Bakit ba hindi 'yon matanggal sa isip ko?!" Sikmat ni Monica sa sarili at marahas na nagtalukbong ng kumot.

Kapreng manyakis talaga ang lalakeng iyon! Bakit kasi sa couch naglalampungan ang dalawa?! Bakit hindi hinila ng mga ito ang isa't isa papunta sa loob ng private room ng office at doon maglingkisan? Ugh! Lihim na pagmamaktol niya sa sarili.

Eh kasi naman silip ka nang silip! Kasalanan mo 'yan Monica! Lalo siya nainis dahil sa tudyo ng kabilang utak niya. "Masama bang sumilip sa opisina ni Jack?! At isa pa curious lang naman ako no'n kaya ako sumilip!" Bulalas naman ni