Chapter 18

“Napaka Gwapo talaga ng aking anak, mabuti na lang at nagmana ka sa akin.” Ani ni Matilda, ang ina ni Marco.

“Huwag mong sayangin ang pagkakataon na ito, Iho, siguraduhin mo na tuluyan ng mapupunta sa iyo ang buong kumpanya.” Maya-maya’y seryosong saad nito habang inaayos ang kurbata ng kanyang anak bago hinaplos ng palad nito ang kaliwang pisngi ng binata.

Maagang naulila si Marco sa Ama at tanging silang mag-ina na lang ang nagdadamayan, mataas ang pangarap ni Matilda para sa kanyang anak kaya hinangad nito ang mas mataas na posisyon.

Bata pa lang ay itinatak na niya sa isip ng kanyang anak na dapat ay sa kanya mapunta ang kumpanya ng kanilang Abuelo.

“Huwag kang mag-alala, Mama, dahil ngayong araw mismo ay mangyayari ang nais mo.” Nakangiting sagot nito bago matamis na nginitian ang kanyang ina. Makikita sa magandang bukas ng kanyang mukha na tila inaasahan na niyang makamit ang labis na inaasam at iyon ay ang maging CEO ng isang dambuhalang kumpanya na kasalukuyang hawak ngayon n