Chapter 44

Pinatay ko ang nag-iingay na alarm clock sa aking tabi. Pupungas pungas akong bumangon at nag-inat.

Hindi ako nag-aalarm dati dahil hindi ko naman iyon kailangan noon. Pero nitong mga nakaraang araw ay kailangan ko na upang magising ako sa takdang oras.

Halos araw-araw ay nag-oovertime ako sa opisina. Sa dami ng mga trabaho na ibinibigay at ipinapagawa sa akin ng boss ko ay kailangan ko talagang mag overtime lalo na at ayaw na ayaw niya na hindi natatapos ang mga trabaho sa loob ng isang araw. Kailangan ko raw itong matapos para hindi magiging sagabal sa mga nag-aabang na trabaho ko para bukas.

At dahil lagi akong nag oovertime ay lagi rin akong gabi na umuuwi. Minsan ay sobrang late na na hindi na ako nakakapagtanghalian sa sobrang pagod at gusto ko na lang na humilata at matulog sa sobrang pagod.

Sa sobrang pagod nga ay hindi ko na namalayan ang oras, dire-diretso ang tulog ko kaya na late ako sa aking trabaho. Grabeng sermon ang inabot ko sa aking boss dahil doon.

At dahil sa