Chapter 15- What, Are You Crazy?

HINDI  na namalayan ni Cassandra kung ilang minutong magkalapat ang mga labi nila ni Ian. Ang tanging umuokupa sa kaniyang isipan ay ang rumaragasang damdamin na kaytagal niyang tinikis sa mahabang panahon. 

Ilang beses niyang sinabi sa sarili na wala siyang nararamdaman sa binata at tanging trabaho lamang ang namagitan sa kanila noon. Subalit sa isang halik lamang nito ay agad nalusaw ang pader na iniharang niya sa kaniyang puso at malaya niyang tinanggap ang halik at haplos ng binata. 

Nang buksan ni Ian ang butones ng suot niyang jeans at ibaba ang zipper niyon ay napahigit ng hininga si Cassandra. Muling naglakbay ang kamay ng binata sa ibabang bahagi ng kaniyang katawan, kung saan ang hangganan ng bagong karanasan ay muli niyang malalasap at ang ibayong kaligayahan ang tangi niyang mararamdaman. 

Hindi man aminin ni Cassandra ay inaasam-asam niya ang sandaling iyon. Noong unang may mamagitan sa kanila ng lalaki. Hinahanap-hanap niya ang