"Dito?" Umikot ang paningin ni Irish sa paligid."Dito talaga?" Excited pa naman s'yang nag-ayos ng sarili, mukha s'yang panauhing-pandangal sa isang cocktail party ng mga socialite.
Kumunot ang noo ni Gab, inilagay sa loob ng bulsa ng pantalon ang dalawang kamay at blangko ang ekspresyon nito na matamang nakamasid sa asawa.
"Bakit dito?" Naguguluhang tiningnan n'ya ang asawa. Madaming tao, nakahilera ang mga tiangge at mga stall ng fishball vendor, barbeque at ilang iniihaw na hindi pamilyar sa kaniya. Nakita n'ya ang ilang maliliit na kulay bilog na kulay orange na nakalagay sa malaking mangkok na katabi ng mga garapon ng tila sauce na may mga nakalutang na buo na paminta. Ihawang umuusok at mga vendor na panay ang paypay sa iniihaw. Nakahilera ang mga mesang bilog sa paligid na may mga umbrella at mga mono-blocks. Halos wala na silang mapwestuhan dahil halos okupado na ang lahat.
"Ayaw mo?" Sarkastiko nitong tanong.
Tiningnan ni Irish ang sarili. Akala niya kasi ang pupuntahan nila ay isang Class Hotel Restaurant, nahiya siya sa ayos n'yang parang may dadaluhang party. Nag-effort pa mandin siya sa ayos ng buhok n'ya at napaka-elegante ng napiling bestida."Akala ko kasi.. nevermind."
"Akala mo dadalhin kita sa isang class na restaurant? Expectation ng mga anak ng mayamang gaya mo."
"Okey na ako dito." Irap n'ya. Aarte pa ba siya? Baka bigla pang magbago ang ihip ng hangin.
Nakahanap ito ng bakanteng mesa kaya sumunod s'ya rito. Umupo s'ya, hahayaan n'ya na lang itong mag-order ng para sa kan'ya. Unang beses na nakapunta s'ya sa ganung lugar. Dahil madalas sa mga naglalakihang Malls at Hotel Restaurants s'ya dinadala ng kan'yang Daddy Alfred.
"Tumayo ka 'dyan!" Marahan s'yang tinapik ni Gab sa balikat.
"Bakit? I-order mo na lang ako." Kung kanina'y okey na sa kan'ya ngayon gusto n'ya ng magmaktol.
"Tumayo ka 'dyan at pumili ka ng kakainin mo. Hindi ka pagsisilbihan dito." Gusto n'ya sanang sagutin ang pagiging presko nito pero mabilis na itong tumalikod at lumapit sa nagtitinda ng barbeque.
Inirapan n'ya ito. Sana hindi na lang s'ya pumayag na makipagdate, aniya sa isip. Hindi ganito ang mga napapanood n'yang love story sa mga romance movies. Inaalalayan ng bidang lalake ang bidang babae at ang lalake ang umuorder para sa ka-date.
Nakakainis!
Tumayo si Irish at sumunod rito. Hirap na hirap s'ya sa suot n'ya, ipinanganak s'yang mayaman pero hinayaan s'ya ng mga magulang na isuot ang mga damit kung saan s'ya komportable at huli sa listahan n'ya ang pagsusuot ng ganitong damit, mas pipiliin n'yang magjumpsuit tulad ng madalas n'yang suot. Nagmukha s'yang party girl socialite na naligaw ng pupuntahan. Nagsuot pa mandin s'ya ng sapatos na three inches ang takong na gusto n'ya ng hubarin at ibato sa asawa.
Nakita n'yang pumili ito ng limang stick ng barbeque at tila hugis-zigzag na nakatuhog din, limang paa ng manok at naglagay ito ng sauce sa isang cup. Napalunok s'ya. kinakain pala 'yun? Ginaya n'ya na lang ito, maging ang napili nitong sago't gulaman na nakalagay sa twenty-two onz na plastic cup. Bumalik sila sa mesa matapos makapagbayad. Inabangan n'yang sumubo ang kaharap.
"Kumain ka na!" Utos nito.
Kumagat s'ya ng konti at sinabayan ng pagsipsip ng juice. Naiiling na tiningnan s'ya nito.
"Irish masarap 'yan. Ang tawag 'dyan isaw." Seryoso ito, pero naiiling na tiningnan s'ya.
"I-isaw?" Tama ba isaw ang 'dinig niya?
"Yap, bituka 'yan ng manok." Kaswal nitong paliwanag.
"Ano?" Napangiwi si Irish at namilog ang mga mata.
"Masarap 'yan huwag kang maarte." Ikinunot nito ang noo at tila nauubusan na ng pasensya sa kan'ya.
"Bakit papakainin mo ako nito? Buong-buhay ko ngayon ko lang ito matitikman!"
Bakit ba siya nito ginaganito? Bakit hindi na lang siya patayin? Ibalik sa mommy niya?
"Yan ang dahilan kaya gusto kong matikman mo." Seryoso itong tila nanenermon.
"Sabi mo liligawan mo ako?" Irap n'ya.
"Nililigawan na kita."
"Ganito ka manligaw?"
"Yap, at gusto kong matutunan mo ang realidad ng buhay."
"Matuto?" Napahalukipkip si Irish.
Bakit ba kung minsan grabe ito magpakilig pero minsan masarap ding iwanan?
"Marami ka pang dapat matutunan Irish, 'yun ang kahilingan ng Tito Alfred."
"Ang sabi niya, aalagaan mo 'ko!" Umikot ang eyeball ni Irish.
"Ano ka baby?" Sarkastikong sagot nito.
"Huwag mo na nga akong ligawan!" Singhal niya sa asawa, napapahiya na talaga s'ya.
"Umiral na naman ang pagkaisip-bata mo! Kailangan pa ba? My God, Irish! Mag-asawa na tayo Irish! At nagawa na 'din nating 'yung ..." Napahinto ito sa pagsasalita at pilyong ngumiti nang makitang nagblush ang pisngi ng asawa.
"Sabi mo sa papel!" Namumulang asik nito.
"Ayaw mong kainin?!" Matiim s'ya nitong tinitigan. Inis na sinunod n'ya ito. Napalitan ng pagkainis ang kanina lang ay umaapaw na kilig na nararamdaman.
Aaminin n'yang masarap naman ang mga kinain at nabusog talaga s'ya pero ang hindi niya maintindihan? Bakit sa first-date nila ay dito s'ya dinala?
Hindi n'ya tuloy naranasan kung papaanong tugtugan ng violin habang sabay silang umiinom ng champaigne. Ganun kasi ang mga napapanood niya sa mga korean-novela. May pa-tulips at candlelight dinner ang inaasahan n'ya. Umingos s'ya ng makitang nakatitig ito.
Gwapo pero napaka-kuripot!
"Hindi ako kuripot Irish! Matuto kang maging praktikal!"
"May pera ako."
"Na mauubos agad kapag hindi ka marunong humawak."
Bakit ba tila nababasa nito ang iniisip niya?
"Bakit hindi pa tayo umuwi?" Naiinip na tiningnan n'ya ang paligid. Magkakalahating-oras na yata silang nakaupo lang doon at nakamasid sa paligid. Amoy-usok na siya ng barbeque. Hindi n'ya talaga maintindihan ang kaharap sa mga pinag-gagawa nito sa buhay?
"May hinihintay pa ako."
"Sino? "
"Isang kaibigan." Kibit-balikat nitong sagot.
"Akala ko ba date natin ito? May imimeet-up ka lang pala." Ingos n'ya.
"Nagkataon lang." Hinahanap ni Irish sa loob ng dalang sling bag ang wet wipes tissue ng marinig ang boses ng isang babae.
"Hello Gab!" Nag-angat s'ya ng tingin, nakita n'ya ang matangkad at sexy na babaeng yumuko at mabilis na h*****k sa pisngi ng asawa. Nagulat s'ya at pinanood na lamang ang dalawa na tila nakalimutan ng asawa ang presensiya n'ya. Pasimple n'yang sinipat ang suot nito, mukha itong office girl na nagtatrabaho sa isang bangko. Ipinaghila ito ng upuan ni Gab at masaya itong nakipag-kwentuhan. Tila naalala s'ya ng asawa at ipinakilala s'ya nito.
"Schoolmate ko si Jeanny. Jean si Irish 'yung naikwento kong minsan. . . I mean, my wife."
Natigilan ito. Tiningnan s'ya nito mula ulo hanggang paa at hindi nakaligtas sa pakiramdam ni Irish ang pekeng ngiti ng kaharap.
"Ah siya ba 'yung kinakapatid mong...?"
Nagulat man, ngumiti si Irish. Pinilit n'ya ang sariling sabayan ang pagiging artista nito.
"Yap, i'm his wife. Hindi ka ba inimbita sa wedding namin?" Nakaramdam s'ya ng inis rito lalo na ng makitang komportable itong nakahawak sa braso ni Gab. Gusto n'yang hablutin ang kamay nito at sampalin ang asawa na mukhang gustong-gusto naman.
"Inimbita pero ano naman ang gagawin ko 'dun? Ang hirap manood ng arrange marriage wedding, para kasing seremonya ng isang kasal-kasalan." Tumawa ito ng mahina. Nasaktan s'ya sa narinig at ipinahalata ang pagkairita. Pero mas naiinis s'ya kay Gab. Ka-lalakeng tao, tsismoso!
Tumikhim si Gab na tila gusto s'yang awatin. Inirapan ito ni Irish. Mamaya ka lang! Sa isip n'ya.
"Ganun ba? Sayang sana kahit 'yung eksena na lang sana ng "kiss the bride", eh nasaksihan mo man lang."
"Anyway hindi na kailangan hindi naman ako interesadong makita." Tumayo na ito.
"Hindi na ako magtatagal. . .sorry Gab kailangan ko ng bumalik sa sasakyan. Actually, wala naman kaming usapang magkikita, nagkataon lang talaga na napadaan kami ng mga friends ko." Sa kan'ya ito nakatingin.
Tiningnan n'ya na lang ito at pinipigilan ang sariling taasan ito ng kilay, muli itong yumuko at h*****k kay Gab. At hindi na sa pisngi kundi sa labi na ikinagulat n'ya. Tila hindi naman nagulat ang asawa.
Inis na sinundan n'ya ito ng tanaw, lalong nakadagdag sa inis n'ya ang ganda nito. Nang makitang tuluyan na itong nakalayo, padabog s'yang tumayo at s'ya naman ang naglakad pabalik sa sasakyan na nakaparada sa hindi kalayuan. Sumunod sa kan'ya si Gab na tila naguguluhan sa ikinikilos n'ya. Napahalukipkip s'yang sumandal sa pintuan ng kotse. Nagpupuyos ang kalooban nang maalala kung paano ito hinalikan sa harapan n'ya!
"Sino 'yun?" Asik n'ya sa asawa.
"Kaklase ko, ipinakilala ko na nga diba." Pabalewalang sagot nito.
"Bakit parang may relasyon kayo? Sobrang close n'yo ba at pati 'yung tungkol sa'tin alam niya?" Sita n'ya.
"Irish. . ." Napabuntong-hininga ito. Bakit ba hindi niya napaghandaan ang ganitong eksena?
"Umuwi na tayo!" Nakasimangot si Irish , hindi maipinta ang mukha nito.
"Kaibigan ko lang 'yun."
"Wala akong pakialam sa malanding babaeng 'yun!"
Ibinagsak nito ang pintuan ng sasakyan ng makababa ng kotse. Mabilis itong umakyat sa ikalawang palapag ng bahay. Naiiling na sinundan ito ng tingin ni Gab. Pero palihim na napangiti sa isiping nagseselos ito. Nang umakyat siya sa itaas ay nasalubong n'yang yakap nito ang sariling unan at ang malaking Teddy Bear na palagi nitong katabi sa pagtulog.
"San ka matutulog?" Natatawang tinitigan niya ito.
"Sa kabilang kwarto!" Singhal nito.
"Nagseselos ka ba kay Jeanny?"
"Bakit naman ako magseselos?" Kulang na lang ay matunaw s'ya sa pamamagitan ng masamang tingin nito.
"Irish kaibigan ko lang 'yun."
"Kaya ba may pahalik-halik pa sayo?"
"Friendly-kiss lang 'yun Irish."
"Sa lips?" Natatawang hinapit s'ya ni Gab at niyakap.
"Wala kaming relasyon. Ganun lang si Jeanny." Pumiksi ito mula sa pagkakayakap ni Gab. Hindi n'ya ito nakumbinsing maniwala sa paliwanag n'ya.
Nagpupuyos ang kalooban ni Irish, lalo na ng maalalang alam nito ang dahilan kung bakit sila naging mag- asawa? Hindi nito itinuloy ang paglipat ng tutulugan dahil takot s'yang mapag-isa.
Matapos makapagpalit ng pantulog ni Gab ay tinabihan n'ya na ang asawang nakatalikod, yakap nito ang paborito nitong stuffedtoy. Halos malaglag na ito sa dulo ng kama dahil ayaw nitong madikit sa kan'ya. Nang muntik na itong mahulog nagpanggap siyang walang nakita. Pero nahirapan s'yang pigilan ang mahinang pagtawa na ikinamula nito sa galit at inis na pinaghahampas s'ya ng unan.
"Magsama kayo ng Jeanny mo!"
"Irish...please...I'm really sorry."
Ang cute pa rin ni Irish kahit galit ito.
Tila nakadagdag lang sa nararamdaman niya para rito ang ganitong pag-iinarte ng asawa. Napabuntong-hininga si Gab, at hinayaan na lamang itong makatulog na nagtatampo sa kan'ya. Naalala n'ya ang pangako sa mga magulang ng asawa. Pu-protektahan n'ya ito tulad ng pangako n'ya sa ama nitong ilang taon na 'ding namayapa. Tama ang kaniyang Daddy, matututunan 'din n'ya itong mahalin.Maagang gumising si Irish, nakasanayan niya ng bumangon ng maaga dahil wala naman siyang ibang aasahan para magluto ng almusal nila. Naiinis pa rin s'ya kay Gab kaya naging maingat s'ya sa pagbangon para hindi ito magising. "Black coffe please..." Narinig niya habang papalabas ng silid. Nilingon n'ya ito at inirapan. Iniunat nito ang braso na halatang inaantok pa.Kapal! "Kaya mo naman bakit hindi ikaw ang gumawa?" Asik n'ya. "Gusto mong mamasyal today?" Hindi nito pinansin ang pagtataray n'ya. Umupo ito at hinagilap ng paa ang tsenilas na pambahay na nasa ibaba ng kama. Natigilan s'ya. Matagal na nilang hindi nagagawang magrelax dahil kapwa sila subsob sa trabaho. "Ayoko!" Tanggi n'ya kahit oo ang gusto n'yang isagot. "Baka gusto ni Peachy ng katabi? Ibibili kita ng isa pa." Ang gwapo nito sa ngiti nitong nangungumbinse. Peachy ang pangalan ng stuffed to
Off-shoulder dress na hanggang tuhod na kulay baby pink at high-heels na Cinderella shoes na sa tantiya ni Irish ay nasa four-inches ang takong at handcarry bag na may tatak ng isang sikat at kilalang brand. Kulay pulang fingernails at nakalugay ang ilang hibla ng buhok mula sa pagkakapony-tail.Ewan, pero gusto n'yang magtaas ng kilay. Halatang gamay nito ang paglalagay ng make-up dahil nagmukha itong Modelo ng FHM Magazine. Napaka-perfect ng kurba ng katawan, gusto n'yang ikumpara sa artistang si Andrea Torres ang ngayon ay kaharap ng asawa na si Jeanny Salvadico. Hawak ni Gab ang resume nito, habang naka- crosslegs ito at liyad ang dibdib na nakangiting pinagmamasdan ang reaksiyon ni Gab. Gustong sulyapan ni Irish ang dibdib na 32-A, nagmukha itong monay kumpara sa kasalukuyang ini-interview ni Gab na sa tantiya n'ya ay cup 38-B? Palihim n'ya itong pinagmamasdan habang halatang nagpapa-impress sa asawa n'ya. G
"Good morning Sir Gab..."Nakangiti si Jeanny, lalo itong naging sopistikada sa outfit nitong pang opisina. Ito 'yung tipo ng babaeng kahit yata magsuot pa ng kupas at lumang damit ay magmumukha pa ring sosyal dahil sa galing nitong magdala ng damit. Marahil dahil nahasa na ito sa pagiging modelo at na-feature na din sa ilang kilalang magazine. Ngunit iniwan nito ang pagmomodelo at piniling magtrabaho ito sa kaklase nitong si Leonard ayon sa kwento ni Gab sa hindi malamang dahilan.Ngumiti si Gab at tinanguan lang ang magandang sekretarya. Hindi n'ya na pinuna ang mababang neckline nito na nagpalitaw ng cleavage nito. Ganun na ito magdamit noon pa man. Gusto 'mang irapan ito ni Irish ay mas pinili niyang maging pormal dahil sa pakiusap ng asawa. Kailangan niya itong pakisamahan bilang empleyado kahit pa hindi siya komportableng makasama ito. Naiinis man sa isiping halatang may gusto ito kay Gab kailangan n'yang maging propesyunal sa harap nito.Nawala ang ngiti nito ng maki
"Kumusta si Ma'am Irish?" Si Jeanny, nakatayo ito sa harap ng Boss habang may hawak na tasa ng kape. Nag-iwas ng tingin si Gab nang bahagya itong yumuko para ilapag ang tasa sa mesang nasa tapat n'ya. Halos lumuwa ang kalahati ng dibdib nito dahil sa mababang neckline. Hindi s'ya nakikialam sa pananamit ng kan'yang mga empleyado. At sanay s'yang nakikitang ganun magdamit si Jeanny. Halos ipasilip na nito ang kaluluwa dahil sa estilo ng pananamit nito kakapiraso at laging kinulang sa tela."Medyo okey na, hindi na muna s'ya papasok. Mas gusto ko ngang nasa bahay na lang muna si Irish" Mag-iisang linggo na nga n'yang hindi ito pinapasok kahit gustong sumama nito at magtrabaho."That's good."Sinulyapan ito ni Gab sa pagitan ng pagbabasa."Ikaw?" Malambing itong ngumiti."Ako?" Kumunot ang noo ni Gab."I mean...tanggap mo na ba?" Pilyang tinitigan nito sa Gab.Huminto sa ginagawa si Gab at tiningnan ito."Ahm...na kayo na talaga ang para sa isa't isa?" Mapan
Once a week na lang pumunta ng opisina si Irish, nasanay na s'ya sa ganung set-up. Pilit na binabalewala ang presens'ya ni Jeanny at sinikap n'yang magtiwala sa asawa dahil ramdam niyang mahal siya nito. Masaya na s'ya sa pagiging maybahay ni Gab. Mula sa buhay na hindi n'ya akalaing magiging s'ya pero nagawa n'yang yakapin ang kasalukuyan. Walang yaya, walang maid na nakaalalay. Natutunan n'ya ang lahat kay Gab, si Gab ang tipo ng lalakeng independent na papangaraping makasama ng kahit sinong babae. Sa kabila ng pagiging mayaman nito, hindi ito namuhay na prinsipe. Napangiti sa sarili si Irish. Hindi na s'ya makapaghintay na dumating ang sandaling darating 'yung araw na magiging ina na s'ya ng mga magiging anak nito. Nakikita n'ya na ang sariling tatanda s'yang ito ang kasama. Bumuga s'ya ng hangin at pinagmasdan ang mga halamang inaalagaan n'ya na ng ilang buwan sa bakuran. Naging instant plantita s'ya mula ng manatili sa bahay, bigla s'yang napangiti ng maalala ang hi
Lalong naging malungkot ang mga sumunod na araw ni Irish, tila naging katumbas ng ilang buwan ang bawat araw na hindi kapiling ang asawa. Marahil hindi n'ya sana ito mararamdaman kung hindi dahil sa malungkot na balitang natanggap. Sinikap niyang maging normal ang lahat at gawin ang nakasanayan. Pinuno n'ya ang refrigerator ng iba't ibang prutas at gulay na alam n'yang makakatulong sa kan'ya. Ang ilang araw pang natitira bago umuwi ang asawa ay nilaan n'ya sa pagpipinta. At kung dati'y bihira s'yang tumawag sa Mommy n'ya tila mayamaya na s'yang naglu-long distance sa ina na ipinagtataka nito. "May problema ba Irish?" "Wala Mom." Pinasigla n'ya ang tinig. "Magkaka-apo na ba ako?" Natawa s'ya sa tanong ng ina. "Mommy naman. . ." "O, eh kelan n'yo kami bibigyan ng apo?Anak naman alam mo namang pareho kayong nag-iisang anak ni Gab. Nag-aabang na kam
Matapos magpahid ng manipis na lipstick ay napangiti si Irish, pinalutang ng kasimplehan ng ayos ang kakaibang ganda. Higit na lumutang ang maputing kutis sa kulay-asul na bodycon dress na napiling isuot. Sleeve-less ito na nagpalantad ng maputing balikat na hanggang tuhod ang haba na may maikling slit sa kanang tuhod. Nakangiti n'yang tinapunan ng tingin ang laman ng closet, inalis n'ya na ang mga dating damit. Tama si Gab, hindi na s'ya teen-ager kailangan n'ya ng magpaalam sa dating Irish. Isinukbit n'ya ang shoulder-bag sa balikat at nagsuot ng sapatos na may takong na kakulay ng suot na dress. Hinayaan n'yang nakalugay ang hanggang balikat na buhok. "Let's go!" Saad n'ya nang makita ang asawang nakaupo sa sofa na nasa sala. Awtomatiko ang pag angat ng tingin ni Gab, tila hindi ito makapaniwala sa nakikitang pagbabago ng ayos ng asawa. Nakatitig ito sa asawang papalapit. "G-gab?" Pumitik s'ya sa hangin at natatawang kinintalan ito ng halik sa pisnge. "Sana ar
Palihim na pinahid ni Irish ang pamumuo ng luhang nagbabadyang pumatak. Mabilis na inayos ang sarili at pumasok sa loob ng opisina ng abogadong kanina lang ay kausap sa phone."Please, sit down." Nakangiti ang abogado. Sa tantiya n'ya ay nasa edad trenta'y kwatro pataas. Lalong nagmukhang kagalang-galang dahil sa suot nitong reading glasses. Maayos ang pagkakasuklay ng buhok, ito 'yung tipo ng lalakeng tila palaaral 'nung nasa sekondarya pa lang hanggang sa makapagtapos ng abogasya."Pinag-isipan n'yo na ba, Mrs. Villaflor?" Muling tanong nito. Naipaliwanag n'ya na kanina pa kung ano ang nais n'yang mangyari sa telepono."Yes, Irish na lang please." "Sinabi mong maayos kayong nagsasama? Maayos naman ang relasyon n'yo?" Marahang tumango si Irish."Wala akong maisasampang kahit ano laban sa asawa n'yo para mawalan ng bisa ang kasal n'yo?" Napapikit si Irish."Attorney, hindi pa ba sapat na gusto ko na lang humiwalay?"Napabuntong-hininga ang abogado.