Chapter 21

KALALABAS lang ni Rizel sa opisina nila. Siya na lang ang narito kasi nag-overtime siya dahil sa report na tinapos.

Hinihintay niya ang ama dahil sabi nitong susunduin siya at magdidinner daw sila. Sa totoo lang hindi pa sila gano'n kaclose pero ginagawa naman nito ang lahat para mapalapit sila sa isa't isa. Tinanggap naman na niya ito sa buhay niya bilang ama pero naiilang pa rin talaga siya dahil ilang taon din niya itong hindi nakasama.

Makalipas ang ilang minutong paghihintay ay may itim na sasakyang huminto sa harapan niya. Kumunot ang noo niya dahil hindi naman ganito ang sasakyan ng ama.

Agad siyang nakaramdam ng takot kasi parang pamilyar sa kanya ang tagpong ito. At mas nadagdagan pa ang kaba niya ng may apat na lalakeng lumabas mula roon na nakasuot ng bonnet.

Tatakbo na sana siya pero mabilis siya nitong nahawakan no'ng isa.

"Ano bitiwan niyo ako!" Pagpupumiglas niya. Pero mas malakas ang mga ito. Dalawa na ang humihila sa kanya habang ang dalawa naman ay nasa likuran n