Maria Soledad Castillion

ANG LUGAR ay puno ng mga taong pasaway sa lipunan. Mga taong lumabag sa batas. Mga taong biktima ng mapoot na katotohanan ng mundo. Mga taong inosente pero dahil sa kahirapan ay naghirap sa loob at pinagbayaran ang kasalanang hindi ginawa. Mga taong nawalan ng pag-asang makalabas. Mga taong ayaw nang lumabas dahil wala ng babalikang pamilya.

Ngayon ay nagdiriwang ang mga preso dahil sa paglaya ng kapwa nila bilanggo.

Naghihiyawan sa bawat seldang dinadaanan niya at nagbibigay pagbati ang lahat. Ilang taon niyang naging tahanan ang magulo at masikip na kulungan. Ngayon ay haharapin na naman niya ang hindi patas na mundo sa labas.

"Magpakabait ka na 'pre," masayang bilin ng isang presong naging kaibigan.

"Oo 'pre, kayo din dito," sagot niya.

"Pagkaalis mo dito kumuha ka agad ng babae at magpakarami," hiyaw ng isa. Naghalakhakan ang lahat.

Tumango siya. "Mahirap ang buhay sa labas."

"Mas mahirap ang buhay dito,"

S