Chapter 8

DAHAN-DAHAN iminulat ni Zahra ang mga mata. Nang sumalubong sa kanya ang apat na parihabang kulay brown na kisame kung saan may mga ilaw na nakalagay at sa ibang parte naman ay kulay puti, napabalikwas siya nang bangon. Wala siya sa kanyang silid. Sinilip niya ang sarili sa ilalim ng comforter na nakakumot sa kanya. Nakahinga siya nang maluwang nang makitang walang nabawas sa kanyang kasuotan.

"Good morning, cupcake."

Mabilis na napalingon si Zahra sa pinanggalingan ng boses. Napakurap-kurap pa siya nang makita ang kasintahan ito. Malapad ang pagkakangiti nito at may hawak na isang tray. Bumalik sa alaala niya ang mga nangyari at naging malinaw ang lahat.

"Good morning, bunny," matamis niya ring bati rito. "Where are we?" Hindi niya naiwasang itanong.

Maingat na inilapag ni Clyde ang hawak na tray sa bedside table saka sumampa sa kama. Mas lumapit pa ito sa kanya kaya naman medyo nailang siya dahil kakagising niya lang at hindi niya nga alam kung ano ang itsura niya. Bigla tuloy siya