Chapter 53 (Dwight)

SYRELLIE drew a deep breath. Kasalukuyan siyang nasa veranda ng mansyon at nagmumuni-muni. Hindi siya makatulog. Samot-saring isipin ang inaalala niya nang mga sandaling iyon. Pasado alas-dyes na ng gabi. Alam niyang nahihimbing na ang mga kasama niya sa mansyon, pero heto siya't dilat na dilat pa rin.

Alam na niya ang rason ni Dwight kung bakit siya nito ipinagtabuyan noon. Sinabi na nito ang lahat sa kaniya kagabi pagkatapos na makaalis ni Dwayne. Right after Dwight kissed her gently on the lips ay agad silang nagtungo sa veranda. Ikinuwento nito sa kaniya ang lahat-lahat. Mula nang magkaroon ito ng erectile dysfunction, maging sa mga plano nito sa kaniya. He even asked for her forgiveness. Aminado itong mali ito sa pagpapanggap na ginawa para lamang gumaling. Aminado itong hindi dapat siya nito ginamit para sa pansarili nitong interes.

Nang pakiramdaman niya ang sarili habang humihingi ito ng tawad ay wala siyang makapang hinanakit rito. Bagkus ay nagpapasalamat