Chapter 7: Deep Secret

Tulog si Tanya nang madatnan ko. Mugto ang mata nito sa kaiiyak at bakas pa rin sa mukha nito ang matinding takot.

Mabuti nalang kanina at nakontak ko ang number ni Tanya, ngunit si Adrian ang nakasagot. Nakita niya raw si Tanya na tumatakbo sa daan at may humahabol sa kanya, mabuti na lang daw at may nakalimutan siya sa newsroom kaya't naroon pa siya noong mga oras na 'yon. Humahangos at nanginginig sa takot daw si Tanya nang nakasakay ito sa kotse niya. Swerte nga at natakasan nila ang mga taong humahabol sa kanila.

Kasalukuyan kaming nandito sa condo ni Adrian. Ayaw daw umuwi ni Tanya sa tinutuluyan niyang bahay dahil baka raw matutonton siya ng mga humahabol sa kanya kaya't dinala siya ni Adr