Kabanata 11

Kabanata 11

"HONEY, may general meeting daw bukas. Pinapasabi ni Mrs. Cruz," sambit ko ng balita sa kaibigan ng maabutan ko pa ito sa faculty namin.

Nilingon niya ako, "Ay, weh ba? Kanino mo nabalitaan? Nagkita kayo ni Mrs. Cruz sa hallway?" simpleng tanong niya pa. Umiling agad ako. Dumeretso muna ako sa table ko at nagsimulang mag-ayos ng sariling gamit bago ko si Honey sinagot.

"Hindi, si Sir Allan ang nagsabi sa akin. Pinuntahan niya ako kanina sa panghuling klase ko," simple kong sagot.

Nanahimik si Honey pagkatapos kong sabihin iyon kaya napatingala ako sa kanya.

Sinamaan ko agad ang kaibigan ng tingin ng makita ko siyang ngingiti-ngiti sa akin na parang may pinapahiwatig.

"Honey, 'wag kang mag-assume. Walang nangyaring kahit ano," pagpatay ko sa kung ano mang iniisip niya ngayon sa akin pati doon sa lalaki.

Mas lalong lumawak ang ngiti niya sa akin bago ako pabirong inirapan.

"Naku! Hindi ako naniniwala Luise! 'Wag akes! Alam kong may roong nangyari dahil hindi papayag si Sir A