151

Napahawak ako kay Angela na nasa tabi ko, ramdam ko rin na nilalamig siya. "Tinatanong ko kayo kung ano ang ginagawa ninyo rito," ulit na sabi ni Lazardo.

"Napadaan lang kami, Lazardo. Babalik na rin kami, tara na Angela." Hinila ko si Angela at nagpahila naman siya ngunit bago pa kami makaalis ay narinig namin ang isang boses na tumawag kay Lazardo.

"Oh, Lazardo. Naparito ka, tapos na ba ang trabaho mo?" Rinig kong papalapit ang boses ng lalaki sa amin, tumingin ako kay Angela na ngayon ay namumutla na kaya hinawakan ko siya nang mabuti.

"Umalis na tayo, Fianna." Mahinang sabi ni Angela.

"May kukunin lang ako, Lorenzo. Napahinto lang dahil may nakita akong dalawang pusa rito—"

"Pusa? Alagaan natin, Lorenzo!" Masayang boses ng babae. Mas lalo kong idiniin ang hawak kay Angela dahil silang dalawa na ang papalapit sa amin.

Sinamaan ko ng tingin si Lazardo, ginawa pa kaming pusa. "Hindi na, Mayne. Kilala ko ang may ari ng mga pusa, ibabalik ko muna ang mga ito sa kanila."

"Paano ang kukun