WALANG imik na lumabas ng bahay ni Monica si Zymon matapos sabihin ng dalaga na umalis na muna silang dalawa ni Jericho. Hindi niya alam kung bakit naiinis siya dahil inaako ni Jericho ang anak niya kay Monica. Paanong magiging tatay ni Princess ang lalaking iyon, gayong iniwan nito si Monica sa araw ng kasal nila? Sigurado si Zymon na anak niya ang bata at hindi siya papayag na hindi makasama si Princess."Zymon."Huminto siya nang akmang bubuksan ang pinto ng sasakyan nang marinig ang boses ni Jericho. Hinarap niya ito habang kunot ang noo. Napakiling pa siya saglit."Bakit? Ano'ng kailangan mo?" kaswal na tanong niya. Kilala na niya ito noon pa dahil nakatrabaho na niya ito sa ilang proyekto ng kompanya at nalaman niyang ito ang ex boyfriend ni Monica nang pumunta siyang Davao kasama ito."Mag-usap nga tayo." May pagka-angas sa boses nito na para bang niyayabangan siya. "Ano, nililigawan mo ba si Monica? Bakit parang pumapel ka ata sa kaniya at sa anak niya?" kompronta nito.Napang

NAPABUNTONG-HININGA si Monica habang matamang pinagmamasdan si Zymon at Jericho na nakaupo sa sofa sa sala ng bahay nila. Sinabihan naman niya ang kaniyang mga magulang na dalhin muna si Princess sa malapit na parke para libangin ito. Hindi pa kasi siya handang sabihin dito ang totoo dahil masyado pa itong bata at hindi pa nito maiintindihan ang lahat. Ni hindi pa siya ihandang isiwalat ang katotohanan kay Princess.Umupo siya sa katapat na upuan ng dalawang lalaki. Bahagya siyang kumiling habang tila kanina pang hindi makahinga ang dalawang ito sa harap niya sa kahihintay sa sasabihin niyang schedule ng mga ito para makasama ang kaniyang anak.Seryosong nakatingin lang ang dalawa sa kaniya pero nakay Zymon ang buong atensyon niya dahil sa sinabi nito nang huli silang magkita. Gusto nitong ipa-DNA si Princess pero tumanggi siya dahil hindi pa siya handa sa katotohanan."Pero teka nga, Monica, bakit ba kailangan ko makihati kay Zymon sa oras ni Princess? He's just an outsider, trying t

IBINABA ni Monica ang cellphone na hawak nang patayin ang tawag mula kay Ria. Lumungkot ang mukha niya ng malamang hindi sila mabibigyan ng bulalak ng supplier nila dahil sa kakulangan ng supply dahil nasira 'di umano ang mga bulaklak dahil sa mga insekto.Bumuntong-hininga siya. Saan siya hahanap ng supplier para sa mga bulaklak na napili nila para sa event? Wala na siyang ibang alam na supplier ng mga bulaklak kagaya ng Aster, Alstroemerias at Dahlias na ilan sa mga napili nilang bulaklak sa event. Iyon kasi ang napag-meeting-an nila at kailangan nilang makahanap ng ganoong bulaklak para sa mga disenyong nakalaan at para makapagpa-reserve."Mommy, aalis na po tayo."Lumingon siya kay Princess na kakaakyat lang sa taas. Nakapaskil ang ngiti sa mga labi nito at bakas ang excitement doon. Gusto kasi nito na isama siya sa labas kasama si Jericho. Sinubukan niyang tumanggi pero pinilit siya ng anak at wala na siyang nagawa kung 'di ang pumayag.Ngumiti siya. "Sige na, 'nak, susunod na si

KINAUMAGAHAN, hindi inaasahan ni Monica na ganoon kaagang darating si Zymon sa bahay nila, bitbit ang isang human size teddy bear at ilang mga dolls para sa kaniyang anak, maging ang mga magulang niya ay nagulat sa pagdating nito."Ang laki naman niyan, Zymon," ani ng kaniyang ina na bakas ang pagka-amaze sa malaking stuff toy.Ngumiti ang binata. "Para po kay Princess, Tita para kahit wala ako sa tabi niya kapag natutulog siya, she can feel me beside her," paliwanag nito.Tahimik lang siyang nakaupo at nakahalukipkip sa sala. Hindi niya binabalingan ang binata dahil naiinis pa rin siya sa nangyari at sa inasal nito nang nagdaang araw sa mall."Kaya lang tulog pa si Princess, masyado ka kasing maagap," ani naman ng kaniyang ama na nakaupo sa katapat niyang bangko at nakatayo naman si Zymon."I can wait naman po, Tito," magalang na sagot nito."Naku! Masyado ka naman atang nagpapakitang gilas dito sa anak ko, ah. Lahat ng luho ng apo ko binibigay ninyo, baka mahirapan 'tong anak ko sa

"WHERE HAVE you been all day, Zymon?"Napapitlag si Zymon mula sa malalim na pag-iisip. Mabilis siyang nag-angat ng tingin sa babaeng nagsalita at tumambad sa kaniya si Shy na masuri siyang tinitigan, na bakas doon na hindi ito natutuwa.Abala ang isip niya sa pagbabalik tanaw sa nangyari sa kanila ni Monica. Hindi niya maunawaan kung bakit naramdaman niyang gusto niyang halikan ang dalaga, gayong alam niyang hindi iyon pwede. Nilamon siya ng temptation at hindi niya nagawang labanan ang mapusok na pag-iisip. Nagkasala siya pero hindi niya maramdamang nagsisisi siya sa ginawa niya."B-Babe, ikaw pala," gulat niyang sambit at alangan na ngumiti. Kakabalik lang niya sa opisina matapos niyang ihatid si Princess sa bahay nito. Muntik na nga siyang ma-late sa last meeting niya dahil hindi niya namalayan ang oras dahil sa sayang nararamdaman niya habang kasama ang anak ni Monica. Na-enjoy nilang dalawa ang pinuntahan nilang play house kung saan masayang naglaro si Princess doon. Nakita niya