CHAPTER 9

"Ano ang mga iyan?" bungad na tanong ni Susie kay Joyce ng maabutan siyang naglalagay ng kaniyang mga bag sa ibabaw ng locker nila.

"Pinalayas ka ba?" muli nitong tanong.

"Wala 'to, huwag mo akong intindihin. Ano? May on call ba tayo?" ani ni Joyce sabay ayos ng kaniyang sarili.

"Ikaw meron solo, kami ni Carla sa condo unit ng San Teatris." sagot ni Susie na nakatuon pa rin ang paningin sa mga bag na nasa ibabaw ng locker. "May problema ka ata sa inyo kasi mukhang umalis ka eh,"

"Sus, huwag mo akong intindihin at may pupuntahan akong bahay," sagot muli ni Joyce na talaga naman na may pupuntahan siyang bahay at iyon nga sa apartment ng kaibigan niyang si Mystica.

Na text niya ito kanina pang nasa taxi siya na doon siya tutuloy dahil sa nangyari. At talaga naman ay pumayag ito at welcome na welcome raw siya roon anytime.

Sabay na lumabas ng locker room sila Joyce pero nagkahiwalay lang sila ng pupuntahan. Si Susie ay kukuha ng kanilang gamit pang linis habang siya ay pupunta pa lang pa