Kabanata Labing-isa

“Ready ka na, hon?”, magiliw na tanong ni Janus sa buntis na babaeng halos ay isang oras nang nakaupo sa harap ng salamin at nag-aayos ng sarili.

Hindi naman sa naiinip na siya sa paghihintay rito, pero parang ganoon na nga. Naka-apat na beses na kasing nagpapalit ng hairdo niya si Anna simula pa nang maupo siya sa vanity table. Everything she did was perfect in his eyes!

Tulad ngayon, bagay na bagay sa suot nitong knee-length Summer O-neck long maternity dress ang messy bun with braid hairstyle. At dahil sleeveless ito ay litaw na litaw ang sexy neck and shoulders na lalong nagpatingkad sa taglay na kagandahan ng babae.

“That’s the best one, honey! You look... divine!”

Lumingon si Anna kay Janus. Sinisipat niya kung seryoso ito sa sinasabi. Sa apat na beses niyang pagpapalit ng hairstyle ay ngayon lang ito nagtangkang magbigay ng comment.

She saw genuine affection in his eyes. Masyadong transparent ang lalaki sa emoti