Kabanata Dalawampu't Isa

Parang pinipiga ang puso ni Janus habang nakatunghay sa natutulog na si Anna. She looks troubled kahit sa pagtulog.

Nakakunot ang noo nito at malikot ang galaw ng mga talukap ng matang nakasara. Wari niya ay pinipilit nitong gumising ngunit hindi kinakaya ng sariling katawan.

Maputlang maputla ang kulay nito at nagsisimula nang maging dry ang balat dahil sa dehydration.

“Boss Jan, nakahanda na ang pagkain. Sumubo ka na muna kahit kaunti. Kaninang umaga pa walang laman ang tiyan mo,” pukaw ng pansin niya ng kanyang kaibigan at katrabaho na si Reiner, “hindi rin makakatulong kung ikaw naman ang magka-ka-sakit.”

“A-anong oras na ba? Wala pa ba si Dra. Pepito?” Sa halip na sumunod sa mungkahi ng kaibigan at tanong niyang hindi man lamang sumulyap sa inihanda nitong pagkain sa dining table.

He doesn’t feel like eating lalo na ngayong may nababakas na siyang pag-asa na magkakamalay na si Anna.

Gusto niya a