Chapter Nine: Fault

ALIYAH

Ala una ng umaga nang naalimpungatan ako sa aking pagtulog. Patay na ang lahat ng ilaw sa kuwarto at tanging sinag lamang ng buwan ang nagsisilbing liwanag sa buong silid. Dahil hindi ako makabalik sa tulog kong naputol ay bumangon muna ako sa kama, nakita kong mahimbing na ang tulog nila Lebby. Tahimik na rin ang labas kumpara noong makatulog ako ng 11:30 kanina, mukhang tapos na ang inuman at kasiyahan sa ibaba.

Dahil tahimik ang buong silid ay naisipan kong lumabas muna sa balkonahe at doon ulit magpa-antok, naupo ako sa isang silya roon at tumanaw sa malawak na kapaligiran na makikita sa pwesto kong ito.

Napakaganda ng langit sa gabing ito, maliwanag at buong-buo ang buwan, maging ang mga bituin ay sobrang dami ngayon. Ang ganitong tanawin ay tunay na nagpapagaan sa aking damdamin. Napakagandang pagmasdan ang lahat ng ito gamit ang mga mata ko. Sobrang payapa ng gabi… ganitong kapayapaan ang ninanais ko palagi sa aking buhay.

Sa buong buhay ko ay ngayon ko lang ata naga