Chapter 52

ISA

NATIGILAN ako sa paghakbang nang makitang kalalabas lang ng kuwarto ni Gwen. Taas-noo itong naglalakad habang hila ang maleta sa isang kamay.

Tumigil siya sandali at tumingin sa akin nang matalim. Walang salitang lumabas sa bibig niya pero nararamdaman ko ang binibigay niyang vibes. Gusto niya akong patayin. Taas-noo siya bumaba ng hagdan at umalis.

Nasaan naman kaya si Uno? Hindi ba niya alam na aalis na si Gwen? Dahil sa pagiging likas na pakialamera ko, sumunod na naman ako sa kaniya nang palihim.

Gusto ko lang naman makita kung anong gagawin nila ni Dos. Kung may karapatan nga lang ako, gusto kong magbigay ng payo kay Dos na pag-isipan niya ang mga ginagawa niya. Gwen is a walking redflag. Masisira ang buhay niya kapag sumama siya sa babaeng ito.

"Senyorita."

Kamuntikan na akong mapatili nang biglang may magsalita sa likuran ko. Paglingon ko ay bumungad sa akin ang seryosong mukha ni Tan.

"Anong ginagawa mo rito!" mahina ngunit matigas kong tanong.

"You can't leave the mansion