Chapter 56

ISA

HINDI ako makapaniwala sa mga narinig. All this time, magkasabwat sina Inay at Uno? Plano nila ang lahat nang ito?

"Ano? N-nakipagsabwatan ka sa Mineva na iyan! Paano mo nagawa ito sa akin!"

Tumawa si Inay. "Si Uno rin ang nagdala sa akin sa anak ko. Siya ang nagpasok kay Dos sa buhay nina Isa at Gwen. Sa tingin mo ba talaga, mas pipiliin ka niya kaysa sa sarili niyang anak at asawa?"

Nagsalubong ang mga kilay ko. "Asawa?"

Lumingon sa akin si Uno nang marinig niya iyon. Nginitan niya ako matapos kinindatan. "Akin ka."

Pakiramdam ko, nag-init ang mga pisngi ko sa sinabi niya. Wake up, Isa! This is not the right time to blush!

"Actually, Celestia, lahat ng plano ko, hindi lang galing sa akin, kundi sa anak mo."

Hindi makapaniwalang tumingin si Senyora kay Uno. "Bakit mo ito nagawa! Ako pa rin ang nagpalaki sa iyo!"

Sinugod nito si Uno at pinagsusuntok sa dibdib.

Napasinghap ako nang itulak ni Uno si Senyora Celestia sa maruming sahig. Huminga siya nang malalim. "Dalhin n'yo na ito!"