THIRTY FIVE

“Ibig  mo bang sabihin, kaya ayaw niyo kaming pauwiin ni Dylan sa Maynila dahil alam niyo na na bumalik na ang totoong Kaia?”

“Thalia, she’s not Kaia. Look at her—ibang-iba siya kay Kaia,” mabilis na pagtatama ni Brielle sa sinabi ko kaya naman napailing na lamang ako.

Kanina niya pa ipinipilit na hindi si Kaia ang babaeng iyon pero hindi ko rin naman magawang maniwala sa kaniya. Base sa pagsagot ng babaeng iyon sa mga tanong ni Dylan kanina, halatang-halata na alam niya ang ginagawa niya. Halatang-halata na sigurado siya sa bawat sagot na sasabihin niya kay Dylan… bagay na kahit kailan ay hindi ko magagawa.

“Nai-kuwento ko na sa inyo kung anong sinabi niya kanina kay Dylan at naniniwala ako sa kaniya. Maging si Dylan, parang naniwala na rin sa sinabi niya kaya baka nga siya ang Kaia na hinahanap niyo at hindi ako.”

Hindi sumagot si Brielle sa sinabi ko at sa halip ay pinanliitan lamang ako ng mga mata