Chapter 59

Nagising ako na nakayakap kay Joshua.

"Mukhang hindi ko na kailangang manligaw," sabi niya nang maramdaman na gising na ako.

Tumawa naman ako. "Hanggat hindi ko sinasabi ang magic word, manliligaw ka pa din," sagot ko naman pero nanatili pa din ang aking kamay na nakayakap sa kaniyang katawan.

Umayos siya ng higa at yumakap din sa akin pabalik. Ramdam ko ang mainit niyang hininga na tumatama sa aking pisngi.

Nakangiti kong pinikit ang aking mga mata, habang sinasamyo ang kaniyang natural scent. Na-miss ko 'to.

"I missed this," bulong niya. "Iyong mga yakap mo. Mga paglalambing mo."

"Masakit ba ang talampakan mo?" magiliw niyang tanong.

Tumango ako. Tumitibok-tibok ang sugat kaya nagising din ako.

Para akong hinehele sa yakap ni Joshua kaya muli akong nakatulog.

Nang magising ako, tirik na tirik na ang araw. Mausok at nalalanghap ko ang mabangong amoy ng pagkain na niluluto ni Joshua.

Bumaba ako ng duyan at tinignan ang kaniyang ginagawa.

"Hinuli mo?" mangha kong tanong nang