Chapter 16 Promise ring

BHELLE:

WALANG pagsidlan ang sayang nadarama ko habang magkayakap kami ni Tyrone dito sa silong ng malaking puno ng mangga sa harapan ng bahay. May ratan na duyan kami dito na pahingaan sa tuwing gantong tanghali. Presko kasi dito at napakasarap umidlip kapag gantong tanghaling tapat.

Nakaunan ako sa kanyang dibdib habang nakayapos ang braso nito sa baywang ko. Mabuti na lang at binigyan kami ni Nanay ng oras na ma-solo ang isa't-isa. Kanina pa nakaidlip si Tyrone na mahinang humihilik. Bakas sa gwapong mukha ang pagod dito. Sa layo nga naman ng probinsya namin at kita ring wala itong maayos na tulog.

Mukha ngang naging abala ito sa loob ng mahigit dalawang linggo niya sa syudad para ayusin ang trabahong maiiwan.

Napaangat ako ng mukha at matamang pinakatitigan ang maamo niyang mukha. Kahit kaharap ko na siya ay hindi pa rin ako makapaniwala na nandidito na siya!

Parang may sariling isip ang kamay ko na napaangat at marahang hinaplos ito sa ulo. Napakagwapo niya talaga kahit nahihimb