Chapter 12 - Report

Pinalibutan sya ng maraming tao nang lumabas sya sa sasakyan nya nang hintayin n'yang makalayo ang mga namaril sa kanya, baka kasi balikan sya ulit at tudasin na lang kung lumabas sya agad.

Kabado sya at pawis na pawis na tumingin sa unahan ng sasakyan nya at nakita nga n'yang nayupi ang parteng nakadikit sa bakal na railings. May lumapit din guard na tila may kausap sa phone at sinilip ang parting yon. Sa pakikipag-usap ng manong guard tila nagre-report ito tungkol sa nangyari, at nagpapasalamat naman sya doon.

Maya-maya binaba nito ang phone at pinagtuunan sya ng pansin. "Ayos ka lang ba, Ma'am? Natamaan ka ba?"

"Nakita mo ba ang namaril? May namukhaan ka ba?" Nanunuyo ang lalamunan nya habang nagtatanong, binabalot kasi sya ng takot sa buong katawan nya.

"Masyadong mabilis ang pangyayari ma'am, nag-iinspeksyon ako ng mga costumer namin nang biglang may putukan. Puro nakatakip ang mga mukha ng mga sakay sa motor na yon. Tanging plate number lang ang natatandaan ko, pero nareport