Chapter 14

Chapter 14

"KAMUSTA NAMAN po kayo d'yan ma? Si papa?" 

Ipinatong ko ang mga nahabing tela sa lamesang laan para sa mga damit na tapos ko na sulsihin. Mga sample lang iyon para sa mga pattern na ginawa ko dahil napili akong magbibigay ng mga sample designs para sa mga nag-aaral sa fashion designing. Laking pasasalamat ko nga at ako ang nilapitan ni Miss Catherine kanina kahit pangkaraniwang design lang ang ipinapasa ko rito.

"Ayos lang kami dito anak. Ikaw ba? Maayos lang kayo d'yan ng asawa mo?" 

Ngumiti ako at tumango na parang nakikita iyon ni mama.

"Oo ma, ayos lang kami. Sorry nga po pala at hindi ako nakapagpaalam sa inyo bago kami umalis." Pahina nang pahina ang boses ko. Narinig ko ang tikhim ni mama sa kabilang linya.

"Alam ko naman anak na nagkar'on ka ng sama ng loob sa amin ng papa mo kaya naiintindihan kita. Huwag kang mag-