Chapter 17

Hindi ko namalayan na tinanghali na pala ako ng gising kinabukasan. Hindi ko man lang nabilinan si Stephanie na gisingin ako ng maaga bago siya umalis at pumasok sa trabaho dahil balak ko sanang makipagkita kay Ma'am Mea ngayong araw.

Naisip ko rin kasi na kamustahin ito tungkol sa nangyaring pagpalatalsik ng lalaking iyon na malaki ang saltik sa utak.

Naalala ko bigla yung sinabi ng Kent Justine na iyon nang pumunta ito sa aming apartment. Pababalikin niya raw si ma'am Mea kapag bumalik rin ako sa trabaho ko. Iyon lang ba ang ipinunta niya roon?

Alam kong nahihirapan mag adjust si ma'am dahil single mom ito at may tatlo pa itong anak na pinaaaral.

Sana naman hindi na muli kami magbangayan ni kurimaw na'yon kapag nakabalik na ako sa resto. Ang pangit niya kasi kapag nakakunot ang mga noo nito. Lalo lang akong naiinis kapag nakikita ko ang ganoong hitsura n'ya.

Nagmessage muna ako kay ma'am Mea na makikipagkita ako sa kaniya at agad naman itong nagreply at sinabi nito kung saan ka