Kabanata 9

Dumiretso sa restroom si Freya matapos ang komprontasyon nila ni Jacob para magbihis. Nang makapagpalit na siya ng damit ay tiningnan niya ang kaniyang sarili sa salamin. Hinihingal pa rin siya habang sapo-sapo ang kaniyang dibdib. Tumakbo kasi siya kanina nang mabilis sa takot na sundan siya ni Jacob. Hanggang ngayon ay kinakabahan pa rin siya.

"Good thing hindi ko kasama si Yael kanina," ani Freya. Marahan niyang inalis ang contact lenses sa kaniyang mga mata para mas maging komportable siya.

"Freya," tawag ni Diana.

Aksidenteng natuunan ni Freya ang isa sa mga contact lenses niya dahil sa pagkagulat. Akala niya ay kung sino ang tumawag sa pangalan niya.

"Ma'am, nasaan po si Yael?" tanong ni Freya.

"Hinatid ko na muna siya sa room niyo kasi inaantok na raw siya. Don't worry nakabantay naman sa labas ng room niyo ang bodyguard ko. Anyway, naglunch ka na ba?" ani Diana.

"Hindi pa po."

"Ano ka ba Freya, huwag mo na akong i-po. Mas matanda ka pa nga sa akin eh," natatawang sambit ni Dia