CHAPTER 9

WARNING: MATURE CONTENT!

Habang naglalakad, malalim akong nag-iisip.

Ang totoo niyan, nate-temp akong gawin ang gusto ni Ev.

Kasi kung tutuusin, wala naman talagang mawawala sa 'kin kapag sinubukan ko.

'Yung kahihiyan sa katawan ko, matagal na 'yung nawala dahil dati, araw-araw naman ako napapahiya sa mga tao.

Hindi na bago sa 'kin ang mapahiya lalo na kapag si mama ang gumagawa niyon.

Pero ayoko na lang ding subukan. Wala ngang mawawala sa 'kin, wala rin akong mapapala.

Pumara ako ng taxi at nagpahatid sa isang lumang village.

Nagtataka pa akong tiningnan ng driver dahil doon ko gustong magpahatid.

Iniisip siguro niya na ang creepy ko dahil bakit naman ako magpapahatid sa isang village na nagmistula ng gubat dahil wala ng nakatira sa loob ng mahigit isang dekada. Tapos alas nuwebe pa talaga ng gabi.

Pero hindi na nagsalita pa si manong at pinaarangkada na lang ang taxi.

Gusto ko lang bisitahin ang lugar na 'yon. Ang gaganda ng mga memories ko sa lugar na 'yon.

Gusto ko lang makita ul