Kabanata 19

Kabanata 19

KINAUMAGAHAN ay maagang binulabog si Kathleen ng matinis na boses ni Janette. Marahan nitong kinakalampag ang pinto ng kuwarto kung saan naroon si1ya.

"Ate Kathleen! Gising ka na po!"

Marahas na napaungol si Kathleen at agad siyang napabalikwas nang bangon. Wala na sa tabi niya si Gabrielle. As usual naman ay lagi talaga itong nauuna sa paggising kumpara sa kanya. She sighed hearing Janette's voice again.

"Ate! Tulog ka pa ba!? Bumangon ka na! Sa ilog daw po tayo mag-aagahan sabi ni Nanay Susana," muling wika ni Janette sa labas ng kanyang silid.

"Oo na! Heto na! Gigising na po!" sagot niya at walang nagawa kundi ang bumangon.

Lumapit siya sa pinto at binuksan ito. Nakangiting mukha agad ni Janette ang bumungad sa kanya.

"Oh? Morning," bati niya rito.

"Good morning ate! Huwag mo kalimutan magdala ng extra na damit. Baka kasi gustuhin mo maligo sa ilog. Hintayin kita sa labas ate. Bilisan mo ha!" ani Janette at hindi maitago ang matinding excited sa mukha nito. Nahawa ri