CHAPTER 16

KASALUKUYAN...

Naging maayos ang pagsasama ni Nathan at Ellie maliban sa malilit na away at tampuhan na madali lang lumilipas. Pero sa loob ng panahong yun madalas ding makita ng dalaga sa balita at pahayagan ang madalas na pagkikita nila ni Trixie sa mga pagtitipon na labis na nagpapanigbugho sa kanya. Talagang sinikap ni Nathan na walang makaalam ng kanilang kasal marahil ayaw nya masaktan ang nobya, at yun ang labis na nagpapasakit sa damidamin ni Ellie.

Ellie

Hindi ko inaasahan na makakaharap ko isang araw ang babaeng tunay na nagmamay-ari sa puso ng aking asawa.

“Sino ka?” tanong nito sakin na sinusukat ako mula ulo hanggang paa.

Hindi agad ako nakapagsalita, hindi ko inaasahan ang biglaan nitong pagsulpot sa unit ni Nathan.

“Ah pamangkin ako ng Mayordoma ni Senyora Catalina napag-utusan lang ako na maglinis ng unit ni S-Senyorito Nathan ngayong araw” tanging nasabi ko na lang.

Tinitigan nya ako na parang hindi naniniwala sa aking sinabi.

“Parang pamilyar ang mukha mo sak