Chapter 13

NAGISING na rin si Olive at pupungas-pungas ng kanyang mga mata. Sinuri niya ang kanyang katawan.

"May damit na ako?" nagtatakang tanong ni Olive sa sarili. Parang kagabi lamang ay wala silang saplot ng asawa niya. At wala rin si Nickson sa tabi niya. Bumangon na siya at tumayo para hanapin ang asawa.

Napahinto siya nang makita itong papalapit sa kanya. May benda ang sugat niya at mukhang maayos na ang pakiramdam.

"Kumusta ang sugat mo?" bungad niyang tanong.

"Okay, okay na ang pakiramdam ko. Tinapalan ko ng ginadgad na dahon ng bayabas ang sugat ko," sagot ni Nickson. Nilapitan siya ni Olive si Nickson at sinalat ang noo at leeg.

"Wala ka ng lagnat?" tanong muli ni Olive. Nagtataka naman na nakatingin lang si Nickson sa kanya.

"Lagnat?"

"Oo. Ang taas ng lagnat mo kagabi. Tapos nanginginig ka pa. Kaya nga niyakap kita," sagot ni Olive. Nakagat niya ang labi ng maalalang n*******d pala siya. Ibig sabihin si Nickson ang nagdamit sa kanya.

"Hala, tinanghali ka ng gising. Iyan nakita na ni