Chapter 30

BAGYO:

ILANG linggo rin kaming nanatili sa hospital nila Tight at Rosas dahil sa lala ng mga tinamo naming injuries. Nakakalungkot lang na marami pa rin ang nalagas sa mga ka-nayon ko. At kabilang na nga doon ang kinilala kong ina buong buhay ko. Si Althea.

Mabuti na lamang at mas marami pa rin namang natira na siyang sumuko. Noong nilusob kami sa Basilan ng join forces ng team ni Dos at ang private army ng pamilya Montereal. Kaya madali nila kaming nakuha.

Alam ko namang napipilitan lang ang mga kasamahan naming sundin noon si Althea dala ng takot para sa kapakanan kaya napapasunod sila noon sa bawat utos nito. Pero, mabuti na lang at natapos na.

Nakahinga kami nila Rosas at Tight ng maluwag na naabswelto na ang buong nayon. Sa pagbabalik loob nila sa pamahalaan at ngayon nga ay nasa hacienda na sila ng Montereal.

Ang sabi ni Dos ay doon na ang pangalawang tatawaging tahanan nila. Kung saan malayang makakapagsimulang muli. Gusto na nga rin naming sumunod doon. Pero may mga hindi p