CHAPTER 12: Her Plan. His Side.

MOLLY'S POV

Maingat kong binuksan ang pintuan at pinagmasdan ang loob ng kwarto. Madilim sa loob pero mayroong pulang ilaw na nakakabit sa bawat sulok ng kisame kaya naman kahit na madilim ay nakikita ko pa rin ang paligid. Ngumisi ako ng bahagya dahil sumasakto ang lugar na ito sa plano ko, mukha kaming nasa impyerno.

Naupo ako sa isang silya para maghintay. Hindi naman nagtagal ay narinig ko ang pagpihit ng doorknob mula sa banyo. Lumabas ang isang babae mula sa banyo na nakasuot ng bathrobe at may nakapulupot na tuwalya sa kaniyang buhok. Nagtungo ito sa harapan ng malaking salamin at pinagmasdan ang kaniyang sarili roon, mukhang napansin niya rin ang repleksyon ko sa salamin dahil natigilan ito at nakatingin ng diretso sa akin.

"Hoy babae, anong ginagawa mo rito?" matapang nitong sambit habang nakatingin sa akin mula sa salamin.

Tumayo naman ako at naglakad palapit sa kaniyang direksyon. Pinihit ko siya paharap sa akin. Marahas ko siyang isinandal sa salamin at tinakpan ang bibi