Bonus Chapter

Stavro's Monroe Soulmate

Gail's POV

Tahimik lamang akong umiiyak dito sa parke dahil sa ginawa sa akin kanina ni Kuya Franz. Nang wala akong maibigay na pera sa kanya nang manghingi siya ay sinaktan niya na naman ako at pinagsalitaan ng masama.

Kulang ang kinikita ko bilang isang dishwasher sa Karinderya na malapit lang sa amin. Wala pa sa minimum ang sahod ko at kailangan ko pa iyong i-budget para sa pambili ng ulam namin, pambayad ng renta sa bahay at pambayad rin ng kuryente at tubig.

Wala akong ibang kapatid bukod sa kuya kong sugarol at mabisyo at ang ina naman namin ay wala palagi sa bahay dahil abala siya sa pagsusugal kasama ang mga kumare niya na inaraw-araw na ang pagma-mahjong at tong-its.

Ang ama ko naman ay sumakabilang bahay na limang taon na ang nakakalipas nang maghiwalay sila ni Mama at may iba na siyang pamilya. Walang sustento na binibigay sa amin ni Kuya Franz.

Pagod na pagod na ako sa buhay ko pero nagtitiis na lang ako dahil saan naman ako pupulutin kung iiwanan