CHAPTER 11

Alas-diyes na ng gabi at sigurado akong nasa tindahan parin si Joannah ng mga oras na ito. Malapit lang naman ang kanilang tindahan kaya nilakad ko na lang. Hindi naman nakakatakot dahil may mga tao pa naman na palaboy-laboy sa daan. Ang ibang tao pa nga na nadadaanan ko ay medyo kakilala ko na kaya palagay ang loob ko habang naglalakad.

Nang makarating sa tapat ng tindahan ay tumigil ako ilang hakbang mula sa tindahan nila. Nakita ko ang bruha na busy sa pagliligpit ng mga tinda dahil oras na ng pagsasarado.

Hindi 'ko siya tinawag bagkus ay hinintay ko na mapansin niya ako.

"Bess," tawag niya sakin saka agad niya akong nilapitan nang mapansin niya ako.

Nagulat pa nga siya na makita ako sa kanilang tindahan. Alam niya kasing 'di ko siya madadalaw kapag may trabaho ako at dapat ngayon ay nagpapahinga na ako.

Una'y chineck-up niya ako saka kinapa-kapa ang bou 'kong katawan animo'y may hinahanap. Para naman 'tong security guard 'kong makakapa sa'kin.

"Tumigil ka nga." Hinawakan ko ang k