Natigilan si Hanna. Hindi dapat malaman ni Ethan na siya ang babaeng inarkila nito ng isang gabi. “Eto, naman nagkamali lang po. Kalahating milyon kapalit ng pagpapanggap kong girlfriend mo.”
“Okay, deal.”
“Sir, akina na ang bayad.” Nakalahad ang kanyang kamay.
Umiling ang lalaki. “Matindi ka din, ano? Babayaran kita sa oras na nagawa mo ang pagpapanggap at hindi lang ito isang araw. Kapag kailangan kita ay pupunta ka. Anyway, mamaya ay pumirma ka ng kasunduan at makukuha mo ang paunang bayad sa’yo.”
“Okay po, sir.” Pumalakpak ang kanyang tenga. May pampa-chemotherapy na ang kanyang kapatid.
“Paanong pagpapanggap po ba ang gagawin?”
“Kunwari ay na-love at first sight tayo sa isa’t isa. Wala kang dapat baguhin. Mahirap ka at dyanitres sa kumpanya.”
“Sir, parang hindi maniniwala ang parents mo sa ganyang kwento. Isang CEO, ma-iinlove sa dyanitres?”
“May itsura ka naman, maniniwala sila na unang kita pa lamang ay nagustuhan kita. Tsaka walang pakialam ang mommy ko, gusto lang niya na magka-girlfriend ako. At may isang tao tayong iinisin.”
Nagsalubong ang kilay niya.
“Kailangan mainis mo ang stepfather ko. Mukhang magaling kang mambwisit kasi kuhang kuha mo ang inis ko.”
Hindi niya alam kung matutuwa o maiirita sa sinabi ng binata. Pero handa siyang makisama dito alang-alang sa perang kikitain niya.
Bumaba sila sa mansyon ng mga Rodriguez. Tila ito palasyo. Napakalawak ng bakuran. May malaking garden at swimming pool sa gilid. Parang naalangan siya sa suot niyang puting tshirt, pantalong maong, at lumang sneakers.
Kitang kita niya ang gulat sa mukha ng mga magulang ng binata pagkakita sa kanya. Sa isip siguro ng mga itong, sino itong hampaslupa na kasama ng anak nila. Sabagay kahit siya ay hindi din makapaniwala na ipapakilala siya nitong kasintahan kahit pa nga pagpapanggap lang. Uy, para siyang bida sa teleserye.
Magalang siyang lumapit at matamis na ngumiti sa mga ito. Nagmano din siya tanda ng paggalang. Mukhang mabait ang ginang na maganda kahit may edad na. Inakay siya nito papasok. Ang ama naman ng binata ay tinalikuran na sila.
“Kumain na tayo ng hapunan,” anang ina ni Ethan.
Magiliw na nagtatanong ang mommy ng binata sa kanya. Siyempre, nag-imbento na lamang siya ng ibang impormasyon tungkol sa buhay niya. Hindi naman niya makakasama ang mga ito ng matagal. Walang dahilan para ibahagi niya ang tunay niyang pagkatao.
Umakyat sandali si Ethan. Lumapit ang mommy nito sa kanya. Bigla siyang kinabahan. Pero naalala niya ang ilang palabas sa telebisyon. Mahirap ang bidang babae. Tutol ang ina ng bidang lalaki sa relasyon ng magkasintahan tapos ay aalukin ng mayamang nanay ang bidang babae ng limang milyon at sasabihing layuan ang anak nito. Lihim siyang nangiti. Willing siyang layuan ang binata basta mas malaki sa kalahating milyon ang bayad.
“Pina-imbestigahan kita at wala pa sa kalahati ng mga sinabi mo ang totoo tungkol sa’yo, Hanna Faye Aguilar.” Idinuldol ng ginang sa mukha niya ang impormasyon tungkol sa kanya na nasa tablet nito. Napapikit siya. Pera na naging bato pa.
“Sorry po Mrs. Rodriguez. Hindi po ako ang may pakulo nito. Inutusan lang po ako ng anak ninyo ko na magsinungaling at magpanggap na girlfriend niya. Wala naman po siyang sinabing dahilan. Matindi lang po ang pangangailangan ko kaya ako pumayag.”
Saglit na nag-isip ang matanda. “Nagbabalak akong ipadampot ka sa mga pulis.”
“Ay, naku huwag po. Breadwinner po ako ng pamilya ko. Parang awa ninyo po.”
“Nakakaawa talaga ang kalagayan mo. May cancer pa ang kapatid mo na nangangailangan ng chemotheraphy. Kaya may iaalok ako sa’yo.”
“Ano po ‘yon?”
“Ipinakilala ka niya sa amin, ibig sabihin ay may nakita siyang kakaiba sa’yo. At may kakayahan kang lumapit sa kanya. Mula kasi ng iniwan siya ng girlfriend niya at ipinagpalit sa iba ay hindi na siya nakipagrelasyon pa.”
Kunot ang noo niya habang nakikinig sa kwento ng matanda.
“Gusto ko ng apo. Akitin mo siya at kailangang may mangyari sa inyo. Bibigyan kita ng isang taon. At kapag nabuntis ka, babayaran kita ng fifty million pesos, basta ibibigay mo ang bata sa akin at hindi ka na magpapakita pa.”
Nanlaki ang mata niya sa alok ng ginang. Ngunit parang mali ang pumayag siya sa gusto nito. Napansin ng kaharap ang pag-aalangan niya.
“Sasagutin ko ang pagpapagamot sa kapatid mo bukod pa sa perang ibabayad ko.”
Para siyang nanalo sa lotto kapag tinanggap niya ang alok. Araw araw siyang tumataya sa lotto ngunit alam niyang halos walang tsansa na manalo siya. At eto ang maliwanag na pera. Sabi ng lola niya, nabubulag daw ang tumatanggi sa grasya.
Matagal na siyang nagdarasal. Pera ang kailangan niya at solusyon sa lahat ng kanyang problema. Kapag magkakapera siya ay magiging masaya na siya dahil mabibigyan niya ng ginhawa ang kanyang pamilya. Construction worker ang kanyang ama at labandera ang kanyang ina. Lima silang magkakapatid at siya ang panganay. Ito na yata ang sagot sa matagal na niyang panalangin.
“Pag-isipan mo, darling.”
Hindi niya alam ang isasagot. Makikipagkasundo ba siya sa ginang? Kabado siya sa pinapasok niya. Pero lakas ng loob lang ang puhunan niya sa bawat laban sa buhay. Kung anuman ang kapalit ng malaking pera na magpapabago sa buhay ng pamilya niya at magpapagaling sa kapatid niya ay handa siyang tanggapin. Bahala na.
Bumalik na si Ethan. “Mom, ihahatid ko lang si Hanna at gabi na.”
“Sayang naman, hindi pa kami nagkukwentuhan ng matagal. Pero babalik naman siya dito. Hanna, welcome ka sa pamilya.” Niyakap siya ng matanda.
“Opo, babalik po ako. Maraming salamat po, Mrs. Rodriguez.”
“Mommy Belinda ang itawag mo sa akin.”
“Okay mo, mommy Belinda.” Ang hirap ilabas sa bibig niya ang dalawang huling salita. Nahihiya siyang tawagin ang ginang sa pangalan nito.
Sumakay sila sa magarang kotse. Nakita niya ng ilabas ito ng binata sa garahe. Ilan ba ang taong nakatira dito? Bakit may labindalawang sasakyan na iba-iba ang modelo? Kapag mayaman talaga walang mapaglagyan ng salapi. Samantalang siya ay nakikipag-away sa driver sa isandaang piso.
Pinagbuksan pa siya ng binata ng pinto ng kotse. Pagdating sa loob ng sasakyan ay walang itong imik. Huminto ito paglagpas lang ng konti sa tinitirahang subdivision.
“Oh, bakit ka huminto? Akala ko ba ihahatid mo ako?”
“Ayusin mo ang pakikipag-usap sa akin. Matuto kang ihiwalay ang katotohan sa pagpapanggap. Kapag wala tayo sa harap ng mga magulang ko ay dyanitres ka at CEO ako ng kumpanya. Huwag kang malito kung gusto mong humaba ang kasunduang ito. Huwag mong ipagkakalat na may relasyon tayo. At pinakaimportante sa lahat, don’t fall in love with me.”
Umismid siya sa huling sinabi nito. “Basta sir, bayaran mo ako ng kung ano ang napag-usapan. Wala ka pong magiging problema sa akin.”
“Heto ang kasunduan. Basahin mo at pirmahan bago ko ibigay ang tseke ng paunang bayad.” May inabot itong ilang pahinang papel. Kaya pala ito umakyat sa kwarto ay para gumawa ng kasunduan.
“Ang haba naman nito. Saan banda nakalagay ang 500,000 pesos na halagang dapat mong bayaran?”
Itinuro ng binata ang hinahanap niya. Agad niyang pinirmahan.
“Hey, bakit pumirma ka lang at hindi na nagbasa?”
“Sa bahay ko na lang babasahin.” Hinablot niya ang tseke.
“Mukha ka talagang pera,” naiiling na sabi nito.
“Sir, hindi mo ako maiintindihan dahil ipinanganak kang mayaman. Kapag naranasan mong wala kahit pambili ng bigas, malalaman mo kung bakit mukha akong pera.”
“Hindi ko kasalanan na hindi makaranas ng hirap o kakulangan sa pera ng ipanganak.”
“Aba, bakit 250,000 lang?” reklamo niya ng makita ang laman ng tseke.
“Makukuha mo ang kabuuan matapos ang tatlong buwan na pagpapanggap. Ganyan ang nangyayari sa basta pumipirma ng hindi nagbabasa.”
“Okay, sige na po sir. Ihatid mo na po ako.” Plastik ang kanyang ngiti.
“Wow, nakakuha ka ng driver. Bumaba ka na! Bakit kita ihahatid?”
Napansin niya ang mahinang pag-ulan sa labas.
“Ay, sir. Umuulan. Baka naman pwedeng ihatid ninyo na po ako. Mahirap sumakay.” Matamis siyang ngumiti baka sakaling maawa ito sa kanya.
“No way! Hindi ka importante at wala akong pakialam sa’yo.”
Lalabas na sana siya. At eto na naman siya na hindi alam kung paano aalisin ang seatbelt. Tinulungan siya ng binata. Bakit naman magtatanggal lang ng seatbelt ay ang lapit lapit ng mukha nito sa kanya. At sumisinghot pa ito. Adik yata ang boss niya.
Bubuksan na niya ang pintuan ng sasakyan. “Wait!” pigil ng lalaki.
Napalingon siya. “Ihahatid ninyo na po ako?”
“Ano ang pabangong gamit mo?”
“Gawa ko lang po ang pabango. Dinurog na roses at oil lang po.”
“Dalan mo ako ng pabangong gamit mo.”
“Bakit po?” Gumuhit ang pagtataka sa kanyang magandang mukha. Pambabae ang kanyang pabango. Hindi kaya may pusong babae ang gwapong CEO ng Unicorn Marketing Agency?
“Sir, bakit po kayo intresado sa pabango ko?” tanong ni Hanna sa amo. Wala naman problema kung bading ito. Pero imposible dahil magaling ito sa kama. Namula ang kanyang mukha na naisip.“Babayaran ko. Dalin mo sa akin ang pabangong ginamit mo.”“Sige po,” aniya na nagtataka pa din sa biglang interes nito sa pabangong gamit niya. Itinuro sa kanya ng lola niya ang paggawa ng pabango gamit ang iba’t ibang bulaklak. Ang amoy ng rosas ang kanyang pinakapaborito.“Sige, makakaalis ka na.”“Sir, ang lakas na ng ulan.”“Ayun, may waiting shed. Sumilong ka. Get out!” Taboy nito sa kanya.“Ang dilim po sa waiting shed baka ma-rape ako dyan. Tsaka wala akong dalang payong. Ihatid mo na po ako, please. Kahit sa kabayanan lang po.”Sandaling nag-isip ang binata. “Sige, pero sa isang kundisyon.”“Ano po, sir?”“Paamoy ng leeg mo ng three minutes.”“Po? Aamuyin ninyo ako? Sige po.” Ang weird ng sinabi nito pero okay lang basta ihatid siya nito at malakas ang ulan.“I-type mo ang address sa monitor.”
Muling pumasok sa opisina ng amo si Hanna. Inawat siya noong una ni Ate Mila. Hindi naman daw nagpapalinis sa loob ng private office ang CEO kapag nandoon ito. May dala siyang pamunas at panlinis. Halos pwede nga siyang manalamin sa kintab ng opisina nito. Walang alikabok. Nagpanggap na lamang siyang naglilinis kahit malinis naman. Madali lang pala ang trabaho niya. Malaki ang sweldo at may sideline pa siya.Marahas na bumukas ang pinto. Iniluwa nito ang stepbrother ng binata, si Lucas Sebastian Tolentino. Tumalikod siya at baka mamukhaan siya nito na isa siya sa dancer noong bachelor’s party nito.“Bakit disapprove ang project ko?” Inihagis nito ang mga folder sa table ng boss.“Dahil basura ang proyekto ng team mo,” anitong hindi man lang nasindak sa galit ng bagong dating.“Gumaganti ka ba dahil ako ang pinili ni Cali? Anim na buwan na ang nakakalipas. Kasal na kami. Hindi mo pa din ba tanggap na natalo kita? The high and the mighty Charles Ethan Rodriguez is a loser!” sarkastikong
“Sir, ano po ang sabi ninyo?” Kunot ang noong tanong niya.“Inaalok kitang maging fuck buddy or bed partner ko. Aling salita ang mahirap intindihin?”Hindi niya alam ang isasagot sa boss. Kagabi lang ay iniisip niya kung paano niya uumpisahan ang kasunduan nila ng mommy nito. At ngayon ay ito naman ang nagyayayang maging sexual partner siya. Magiging madali ang ipinapagawa ng nanay nito na willing magbayad ng isandaang milyon kapalit ng isang sanggol. Kinilabutan siya sa gulong pinapasok.“May bayad. Tatlong milyon sa loob ng anim na buwan,” anito ng hindi siya agad sumagot.Nakatitig lang siya sa gwapong lalaki. Babayaran na siya ng ina nito kaya hindi na ba siya magpapabayad sa binata?“Huwag mong sabihing naliliitan ka pa. Hindi nga sure kung aabot ng anim buwan, baka isang buwan pa lamang ay magsawa na ako sa’yo.”Naisip niyang sayang naman kung tatanggi siya sa bayad. Kaso parang nag-double compensation siya sa mag-ina. Parang nanamantala naman siya. Takot din naman siya sa karm
Tila siya pagong sa paglabas ng building ng Unicorn Marketing Agency. Tiyak na naghihintay na sa kanya si Don Fausto. Kasal o kulong. May dalawa siyang pamimilian.Hindi na siya sumakay ng dyip. Kung pwede lang pahintuin ang oras ay ginawa na niya. May nadinig siyang busina sa likuran. Ang magarang Bentley car ng CEO, si Ethan! Nagmamadali siyang lumapit sa car window nito at kinatok ng malakas.“Sir, matindi lang ang pangangailangan ko. Kailangan ko po ng one million.”“Hey, kapag nagasgasan mo ang paborito kong kotse, lagot ka sa akin.”“Sir, parang awa mo na. Kailangan ko ng isang milyon dahil kung hindi ay mapipilitan akong magpakasal sa taong hindi ko gusto.”Umismid ang binata. “Ilusyunada ka din. Ano ang akala mo sa sarili mo, bida sa telenobela? Ang sabihin mo ay gusto mong mag-shopping kaya ka nanghihingi ng isang milyon. Nakita ko kung paano mo inubos ang 250,000 na ibinayad ko sa’yo. Nagshopping ka at nagpa-salon. Tignan mo at puro bago ang gamit mo.”Paano ba niya sasabihi
Si Ethan ang sumagot. “Kasunduan po. Napagkasunduan po namin na huwag ng patagalin pa ang aming relasyon bilang magkasintahan. At nagpaplano na po kaming magpakasal.”Nagningning ang mata ng ama niyang oportunista. “Suportado ko ang pagmamahalan ninyo.” Tinapik pa nito sa balikat ang binata. Kay bait ng ama niya. Naglaho ang sungay at buntot nito.“Sige na ‘tay, aalis na po si Ethan. Goodnight, sweetheart,” aniya. Itinulak na niya ito papasok sa kotse.“Teka lang sweetheart, may sasabihin pa ako sa’yo. Tatay Edgar, ipagpapaalam ko lang po sana si Hanna ng ilang minuto para magkasarilinan po kami.”“Walang problema. May malapit na motel diyan sa malapit. Sa unang kanto, liko ka sa kaliwa.”Nasamid silang dalawa ni Ethan. Wala talagang preno ang bibig ng tatay niya.“Oh, bakit ganyan ang tingin ninyo sa akin. Ano ba ang ginagawa ng magkasintahan? Imposibleng magtititigan lang kayo. Mga bata pa kayo at malakas, kayang kaya ninyo ang ilang rounds. O sige, mauna na ako. Kung gusto ninyo ma
“Kung in-love ka na sa akin. Condolences sa puso mo. It will be broken into million pieces.” Malamig ang titig ni Ethan sa kanya.Agad siyang bumawi. “Joke lang, sir. Masyado ka namang seryoso sa buhay. Hindi ako ma-iin-love sa kagaya mo. Tsaka may iba akong mahal.” Pagsisinungaling niya. Naging mailap ang mga mata niya. Alam naman niyang hindi dapat mahulog ang damdamin niya sa boss. Langit at lupa ang pagitan nila.“Anong sabi mo?” Hinawakan nito ng mahigpit ang kanyang braso.“May iba akong mahal kaya huwag kang matakot na ma-fall ako sa’yo. Hindi mangyayari ‘yon.”“Binasa mo ba nag kasunduan natin? Hindi ka makikipagrelasyon sa iba habang nagpapanggap kang girlfriend ko. Hindi ko gusto ang may kahati sa kahit ano, bagay man o tao.”“Hindi ko naman siya boyfriend. Naghihintay ako sa pagbabalik niya.”“Akin ka, Hanna. Naiintindihan mo?”Gusto sana niyang kiligin sa sinabi nito pero alam niyang nagbabanta lamang ang binata. Marahan siyang tumango. Tinitigan niya ang gwapong mukha ng
Nakita niya ang takot sa mukha ni Ethan pagkakita sa matanda. “Lola Rosa, mayroon lang po kaming maliit na hindi pagkakaunawaan. Maaayos din po agad namin.” Umakbay ang binata sa kanya.“I saw everything, Ethan. Sinungaling ang dati mong kasintahan. Siya ang naunang makipag-away kay Hanna. Sa susunod, makinig ka muna sa taong totoong nagmamahal sa’yo,” pagtatanggol sa kanya ni Lola Rosa.“Kaya nga po kinakausap ko si Hanna ng mahinahon para malaman ko po ang side niya. Hindi lang po talaga maiiwasan ang pagtatalo kung minsan.”Tumunog ang cellphone ng binata. “Excuse me at sasagutin ko lang po ang tawag.”Tinabihan niya ang matanda. “Salamat po, Lola Rosa. Nakita ninyo po ba ng hilahin niya ang buhok ko?”“Hindi, wala akong nakita. Pinagtanggol lang kita dahil wala akong tiwala sa babaeng iyon.” Alanganing ngumiti niya sa matanda.“Lola Rosa, makakaasa po kayo na mapagkakatiwalaan ninyo ako.”“Hindi pa ako sure kung mapagkakatiwalaan ka nga o isa ka ding oportunista kagaya ng iba. Mag
“At bakit ikaw ang tinatawagan niya? Hindi ba at may asawa na siya? Dapat una niyang hingin ng tulong ang asawa niya,” sabi ni Hanna kay Ethan.“Wait, Hanna. Ipapaalala ko lang na hindi kita totoong girlfriend. Nagpapanggap lang tayo. Wala kang pakialam kung ano ang gusto kong gawin sa buhay ko. Bayad ka sa trabahong ito.”Tila siya sinampal sa nadinig. Nabitawan niya ang kamay ng amo. Bakit nga ba nawawala siya sa reyalidad? At bakit nasasaktan siya? Tila nagseselos siya kahit wala siyang karapatan.Tumawa siya upang itago ang pagkapahiya. “Sorry, sir. Sa sobrang ginagalingan ko sa trabaho, akala ko totoo na. Sige po, puntahan na ninyo si Ms. Cali at baka kailangan niya kayo.” Hindi na nagsayang ng ilang segundo ang binata at umalis na ito.Napaupo siya sa malambot na kama. Ano ba ang nangyayari sa kanya? Tinampal niya ang magkabilang pisngi upang magising sa katotohanang nagpapanggap lamang sila. Imposibleng magkagusto ang CEO sa isang dyanitres.Lumabas na din siya ng condo unit ng