CHAPTER 47

AMETHYST'S POV

Hindi namin napag-usapan ni Aivan ang tungkol sa set up kay Jewel kahapon dahil nangulit si Jewel na pumunta ng mall.

Maybe bukas or mamaya ko na lang kakausapin si Aivan.

Pero ngayon? May kailangan muna akong puntahan.

Kailangan n'ya pa rin itong malaman.

Gusto ko pa rin itong ipaalam sa kan'ya.

Gusto kong malaman n'ya na may anak na ako, at kahit na ang ama ng anak ko ay ang dahilan kung bakit s'ya nawala ay hindi dapat s'ya mabahala dahil hindi ko naman pakikisamahan ang ama ng anak ko.

Marahas muna ako nagbuga ng hangin bago ako nagpatuloy sa paglalakad dito sa sementeryo.

Hindi ko man kasama si Jewel ngayon dahil nasa bahay ito kasama ang lola n'ya ay gusto ko pa rin ipaalam ito kay Earl.

Sa susunod na pagpunta ko ay sasama ko na lang si Jewel, pero sa ngayon, ako na lang muna.

Ilang metro na lang ang layo ng puntod ni Earl sa akin nang mapahinto muna ako.

Bakit nandito ang mama ni Earl? Si tita Jasmine?

At saka, sino 'yong kasama n'yang babae? At 'yong bata? Medy