CHAPTER 6

Alexa's Point of View

WALANG-WALA sa isip ko na may isang estrangherong lalaki ang lalapit sa akin at mayabang na sumabay sa paglalakad ko, habang papunta sa room sa loob ng campus.

"Hi," he said confidently, "I'm Ceasar Arevalo. A fourth year engineering student here."

Inilahad niya ang kamay pero hindi ko siya pinansin. Nagpatuloy lang ako sa paglalakad, na parang walang narinig. Pagak siyang tumawa saka ipinamulsa ang kanang kamay. Nagpatuloy siya sa pag-agapay sa akin.

"So, totoo pala na isnabera ka. Babaing walang pakialam sa mga tao sa paligid..."

Binilisan ko ang paglalakad pero sumunod pa rin siya. Bagay na hindi ko nagustuhan kaya tumigil ako. Mabilis siyang tumayo sa harapan ko kaya pinandilatan ko ng tingin.

"Bakit ba ang suplada mo?"

"Sorry. Pero wala akong time sa pakikipag-kaibigan. For your information, I am not suplada or snob. Hindi ko lang talaga ugaling makipag-usap sa hindi ko kilala."

Bigla niyang inilahad ang kanang kamay at muling nagpakilala. Pero hindi ko na n