Chapter 15

May nakapasak na tissue sa kanyang ilong. Sa lakas ng pagkabatok ng lola niya sa kanya, dumugo na naman ang ilong niya. Ngayon lang ulit siya nasaktan ng matindi ng lola niya. At iyon ay dahil sa babaeng ito. Nanininingkit talaga ang mata niya pag napapatingin siya kay Jillian, pero wala naman siyang magagawa, may kasalanan din naman siya.

Binilinan ng lola niya na bantayan nina Max si Jillian dahil baka makalapit daw siya dito. Natatakot ata ang mga ito na kung ano na naman ang gagawin niya. Nagsettle ng bill ang lola niya kaya naiwan silang dalawa.

Nakapikit si Jillian. Napakasarap nitong tabihan, sabay tabon ng unan sa mukha nito! nagiging kriminal na ang isipan niya ng dahil sa babaeng ito. Parang mas gugulo ang buhay niya dahil dito.. Parang nawalan na siya ng karapatan sa lola niya. Sa isang iglap, inagaw na nito ang lahat.

Gusto niyang yakapin ang babae, hanggang magkulay violet. Kahit wala itong ginagawa sa kanya, ang inis niya dito ay abot hanggang langit. Kung nakakasaksak