Special Chapter 2.7: Y

Tumatapik tapik ang paa ni Lui sa sahig. Naka-dekwatro ang kaniyang mga paa at nakapatong doon ang kaniyang siko na siya namang pinapatungan nang kaniyang baba.

Magkatapat sila ni Yhler. At sa tabi nito ay nagsisiksikan ang lima, habang solo naman niya ang isang mahabang sofa.

“Matakot ka na, Y,” pilyong bulong ni Thunder kay bago bumaling kay Lui at pilit na ngumiti. “Miss, may boyfriend ka na ba?” walang pakundangan nitong pagtatanong.

Pasimpleng sinagi ni Yhler gamit ang siko nito ang tagiliran ni Thunder. Mabilis naman itong tumiklop at napaigik dahil sa sakit. “Aray naman!” pagrereklamo pa nito.

Masamang tingin lamang ang ipinukol ni Yhler kay Thunder dahilan para manahimik na lamang ang huli.

Nakuha ang atensyon nang anim nang umubo si Lualhati para alisin ang nakabara sa kaniyang lalamunan. “Bakit mo ’ko iniiwasan?” Naniningkit ang mga matang tanong ni Lui kay Yhler.

Seryoso lamang ang mukha ni Yhler. Pinipigilan ang sariling matawa dahil sa ginagawang expression ni Lui s