Fields of Pleasure 24

ALAS KWATRO NG HAPON ay nagpasya akong umidlip, habang abala si Roger sa ginagawa nito. Pahiga nna sana ako ng may marinig akong sasakyan na paparating. Napaupo ako upang alamin kung sino ang mga nakasakay.

'Sana hindi si ninang. Kundi mananagot talaga ako sa pagsisinungaling ko rito.'

Isang dyip na maraming banderitas ang dumating. Tumigil ito sa tapat mismo ng naturang kubo rito.

Imposibleng si ninang ang nakasakay sa loob ng dyip dahil sa ilang buwan na pamamalagi ko sa kanila ay ni hindi ko pa ito nakitang sumakay ng dyip.

Umibis mula sa harapan ng sasakyan ang pinsan ni Analie na si Malou. Sumunod ang apat na babae na galing sa pinakalooban ng dyip nakapwesto, at ang nagmaneho ng dyip na sinasakyan nila ay isang babae rin.

Nakasuot ang mga ito ng maiiksing shorts at sexy na pang-itaas. Sa hinuha ko parang maliligo sila sa batis, may kaniya -kaniya rin kasi silang bitbit na halata namang mga pagkain.

"Hi, ate Sab. Mga kaibigan ko pala. Magdespedida raw sila para sa akin